2 KHANG TANGTHU NIHNATE 7:20 - Tedim Bible

²⁰ note’ tungah kong piaksa leitang panin note kong botkhia ding hi. Tua ciangin ka min dingin ka apsa hih biakinn ka muhna panin ka lawnkhia ding a, mi khempeuh lakah paunak le gentehna ka suaksak ding hi.

Tedim Bible Revision 2017

²⁰ noteʼ tungah kong piak sa leitang panin note kong bot khia ding hi. Tua ciangin ka min dingin ka ap sa hih biakinn ka muhna panin ka lawn khia dinga, mi khempeuh lakah paunak le gentehna ka suaksak ding hi.

2 KHANG TANGTHU NIHNATE 7:20 Referans Kwoze

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migilote’ khut sungah amaute a pia hi.

Thu-hilhkikna 28:37

Topa in note hong paikhiatpihna mite lakah a cikzethuai, paunak, le gentehna na suak ding uh hi.

Jeremiah 45:4

“Topa in nang tungah hih bang a gen dingin hong sawl hi: En in, keimah in ka lamsate ka phelkik a, ka phuhsate ka botkhia kik hi. Keimah in leitung buppi tua bangin ka hih ding hi.

Jeremiah 24:9

Amaute ka hawlkhiatna ding mun khempeuhah mite in kihamsiatna-in a zat dingun simmawhna le zahkonate ka thuaksak ding a, amaute’ thuakna hangin leitung gam khempeuh ka lausak ding hi.

1 KUMPI MASATE 14:15

tui sunga pumpeeng a kilin’ mah bangin Topa in Israel mite vatin amau pute pate tungah a piak hih gam hoih panin Israel zunglot ding a, Eufratis gun galkhatah amaute thehthang ding hi. Bang hang hiam cih leh amaute in Asherah milimte bawlin Topa a heh nadingin phin uh hi.

1 KUMPI MASATE 9:7

amaute ka piaksa leitang panin Israel mite ka lakhia ding hi. Tua ciangin ka min dingin ka apsa biakinn pen ka muhna panin ka lawnkhia ding a, Israel-te pen mi khempeuh lakah paunak le thugentehna suak ding hi.

Thu-hilhkikna 29:28

Topa in hehna, sinsona, lungham mahmahna tawh a leitang panun amaute zunglot a, tuni-a i muh bangin amaute gam dangah hawlkhia hi,’ ci ding uh hi.

Jeremiah 31:28

Amaute a kibetkhiatna ding le a kitapzanna ding ahi zongin, a kisuankhiatna ding le a kisiatna ding ahi zongin ka vaihawm mah bangin, Topa in ka cihin-ah, amaute a kilamna ding le a kiphuh nadingin ka vaihawm ding hi.

Late 44:14

Minam dangte lakah a sia lama gentehna, mite lakah ciamnuih-a neihin kote na hong bawl khin hi.

Juda 1:12

Note’ annek khopna-ah zumna mel nei loin hong omgawp uh ahih manin hong siatsuah uh a, amau’ pumpi bek ngaihsun uh hi. Amaute pen cikmahin guah a zusak ngei lo, huih in a letkhiatmang meiipi, tuk hun laitak nangawnin a gah a gah lo, kizunglotin a keutum singkungte,

Jeremiah 18:7

Minam khat peuhpeuh ahi zongin, gam khat peuhpeuh ahi zongin botkhia-in, khenkhamin, ka suksiatna ding thu, hun khat peuhpeuh lai-in ka gen khinzo ahi zongin

Jeremiah 12:17

Ahih hangin gam khat peuhpeuh in ka thu hong ngaih kei leh tua gam botkhia-in ka susia ding hi, Topa in kong ci hi,” a ci hi.

Late 52:5

Tua ahih manin Pasian in nang hong susia paisuak ding hi. Amah in nang hong bawhin na buk sung panin hong kaikhia ding a, a hingte’ leitang panin hong zunglot ding hi.

Gamlak-vakna 32:15

Bang hang hiam cih leh amah zuihna panin note na pial uhleh amah in gamlakah amaute nusia kik ding a, note pen hih mi khempeuh a susia na hi ding uh hi,” a ci hi.

Jeremiah 16:13

Tua ahih manin hih gam panin note le na pu na pate un na theih ngei loh uh gamah kong notkhia ding hi. Tua lai-ah sun le zanin pasian dangte’ na na sem niloh ding uh hi; bang hang hiam cih leh note kong angvan nawn kei ding hi,” ci hi,’ na ci ding hi.

Jeremiah 22:8

“Tua ciangin minam dang tampi in hih khuapi kantan ding uh a, a innsak a innkhangte’ kiangah, ‘Bang hangin hih khuapi lian hici bawl ahi hiam,’ ci-in khatlekhat a kidong ding uh hi.

Jeremiah 44:8

Note si-in, leitung a minam dang khempeuhte in hamsiatna-in a hong zat ding uh le hong simmawh nadingun bang hangin na khut uh tawh milim bawlin, na ten nadingun na zuat uh Egypt gamah pasian dangte’ kiangah paknamtui halin kei hong hehsak na hi uh hiam?

Ezekiel 7:24

Minam gilo pente hong paipihin na innte uh ka luahsak ding hi. Minam dangte in na biakna mun ngeite uh a nitsak ciangin mi thahat-a a kineite’ kimuanna beita ding hi.

2 KHANG TANGTHU NIHNATE 36:19

Tua ciangin amaute in Pasian’ biakinn halin Jerusalem khua susia uh a, a kumpi inn khempeuh mei tawh halin umlebeel a manpha khempeuh a susia uh hi.