2 KHANG TANGTHU NIHNATE 7:17 - Tedim Bible

¹⁷ Nang a dingin ahihleh, na pa David a gamtat bangin keima mai-ah na gamtat a, nang kong sawl khempeuh bangin semin, ka thukhamte le ka biakna ngeina kipte na zuih leh,

Tedim Bible Revision 2017

¹⁷ Nang adingin ahihleh, na pa David a gamtat bangin keima mai ah na gamtat a, nang kong sawl khempeuh bangin semin, ka thukhamte le ka biakna ngeina kipte na zuih leh,

2 KHANG TANGTHU NIHNATE 7:17 Referans Kwoze

Zekhariah 3:7

Vanglian Topa in hih bangin ci hi: “Ka thukhamte zui-in kong sawl thute na sep leh, ka biakinn sung le biakinn huang sungteng na uk ding a, hih ka kianga om vantung mite’ thu ka ngaih bangin nangma thu zong ka hong ngai ding hi.

Ezekiel 36:27

Note sungah keima kha kong guang ding a, note tungah kong piak ka thukhamte le ka thupiakte limtakin kong zuisak ding hi.

1 KUMPI MASATE 11:38

Ka nasempa David bangin ka thukhamte zuihna tawh nang kong thupiak khempeuh ngai-in, ka thu hong zui-in, ka muhna-ah a manin na gamtat leh, nang tawh hong omkhawmin, David a dingin ka hih bangin nangma tungah Israel mite ka hong pia ding a, na suanlekhakte in zong uk paisuak ding hi.

Thu-hilhkikna 4:40

Tua ahih ciangin note le note’ khita na tate uh tungah thu hong nuamin, Topa na Pasian un a tawntung a hong piak gam sungah na khan uh na sausak theih nadingun tuni-a no kiangah kong gen ahi ama thukhamte le a thupiakte na zui ding uh hi,” a ci hi.

Johan 15:10

Ka Pa’ hong thupiakte zui-in ama itna sungah ka om mah bangin note in zong ka thupiaknate na hong zuih uhleh ka itna sungah a om na hi ding uh hi.

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it ding a, keimah in zong itin amaute tungah ka kilang ding hi,” a ci hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

1 KUMPI MASATE 8:25

Tua ahih ciangin tu-in Israel Pasian, Topa aw, ama tungah, ‘Keima mai-ah nang na gamtat mah bangin na tapate in keima mai-ah gamtat ding a kidop nak-uhleh, Israel kumpi tokhom tungah a tu dingin keima mai-ah mi khat zong na tasam kei ding hi,’ ci-in na nasem ka pa David tungah na ciamsa thu lenkip in.

1 KUMPI MASATE 3:14

Na pa David in a tot bangin nangmah in ka lampite tawnin, ka thukhamte le ka thupiaknate na zuih nakleh na khan ka sausak ding hi,” a ci hi.

1 KUMPI MASATE 2:3

Amah in kei tungah a hong gen, ‘Na tapate in a lungsim khempeuh uhleh a nuntakna khempeuh uh tawh keima mai-ah thuman takin gamtat ding limtakin a ngaihsut nak-uhleh Israel kumpi tokhom tungah khat beek in nang hong tamasak lo ding hi,’ ci-a a thugenna Topa in a kipsak theih nadingin, Moses thukham sungah a kigelh bangin Topa na Pasian’ thuhilhna zui-in, ama lampite hoihtakin tawn inla, ama thukhamte, a thupiakte, a biakna ngeina kipte hoihtakin zui in. Tua hileh na heksuk na hektohna khempeuhah na dau hong pai ding hi.

2 KHANG TANGTHU NIHNATE 7:16

Bang hang hiam cih leh a tawntungin ka min a om theih nadingin keimah in hih biakinn teelin ka ap khin a, ka mit tawh enin ka lungsim a tawntungin tua lai-ah om ding hi.

2 KHANG TANGTHU NIHNATE 7:18

na pa David tawh kiciamin, ‘Israel a uk dingin mi khat zong na kitasam kei ding hi,’ ka cih bangin na kumpi tokhom ka kipsak ding hi.

Late 119:5

Nangma ngeina kipte zuihna-ah ka gamtatna kip tahen.

2 KHANG TANGTHU NIHNATE 6:16

Tua ahih ciangin tu-in Israel Pasian, Topa aw, ama tungah thu ciamin, ‘Keima thu na hong man’ bangin na suan na khakte in ka thukham zui-in a gamtatna uhah a kidop nak-uhleh Israel kumpi tokhom tungah a tu dingin keima mai-ah mi khat beek na kitasam kei ding hi,’ na cihsa bangin na nasem ka pa David tawh na thuciamsa kipsak in.