2 KHANG TANGTHU NIHNATE 7:16 - Tedim Bible

¹⁶ Bang hang hiam cih leh a tawntungin ka min a om theih nadingin keimah in hih biakinn teelin ka ap khin a, ka mit tawh enin ka lungsim a tawntungin tua lai-ah om ding hi.

Tedim Bible Revision 2017

¹⁶ Bang hang hiam cih leh a tawntungin ka min a om theih nadingin keimah in hih biakinn teelin ka ap khin a, ka mit tawh enin ka lungsim a tawntungin tua lai ah om ding hi.

2 KHANG TANGTHU NIHNATE 7:16 Referans Kwoze

2 KHANG TANGTHU NIHNATE 7:15

Tu-in ka mitte hakin hih lai munah a kingen thungetna ka bilte in ngai ding hi.

2 KHANG TANGTHU NIHNATE 7:12

Tua ciangin zanin Solomon tungah Topa kilangin ama kiangah, “Na thungetna ka za khin a, keima-a’ dingin biakpiakna inn dingin hih mun ka teel khin hi.

1 KUMPI MASATE 9:3

Topa in ama kiangah, “Keima mai-ah na hihsa na thungetna le na thumnate ka za khin hi. Na lamsa hih biakinn ka ap khin hi. A tawntungin tua biakinn sungah kei hong kibia ding a, a tawntungin tua biakinn ka hu ding hi.

2 KHANG TANGTHU NIHNATE 6:20

Na nasempa in hih mun lamah hong thungetna na zak theih nadingin nangmah in na min koih nadingin na ciamsa mun hih biakinn lam sun le zanin hong en in.

Kolose 2:9

Bang hang hiam cih leh mihing hong suahna sungah Khrih in Pasian’ pianzia khempeuh a kimtakin nei a,

Zekhariah 3:2

Topa’ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteenkhia singkhuah tawh kibang hi,” a ci hi.

Late 132:14

“Hih mun pen ka om tawntungna ding ahi hi; hih mun deih ka hih manin hih lai-ah ka teng ding hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

2 KUMPI NIHNATE 21:4

Tua ciangin Topa in, “Jerusalem-ah ka min ka koih ding hi,” a cihna Topa’ biakinn sungah amah in biakna taute lam hi.

1 KUMPI MASATE 8:48

amaute manin a puakhia a galte uh leitangah a ngaihsutna khempeuh uh le a lungsim khempeuh uh tawh amaute kisik kikin, nangmah in na teelsa khuapi, amau’ pute pate’ tungah na piaksa amau’ leitang, le nangma min dingin ka lam biakinn lam nga-in nangma tungah thu hong nget uhleh

1 KUMPI MASATE 8:44

“A galte uh a do dingin na mite kuankhia-in, bangbang lamah amaute sawl hita lecin, nangmah in na teelsa khuapi lam, Topa’ tung le nangma min dingin ka lamsa biakinn lamah thu hong nget uh ciangin,

1 KUMPI MASATE 8:35

“Nangma tungah hong khialhna hangin vantung kikhakcipin guah a zuk loh ciangin, amaute in hih mun lamah thu ngenin na min hong phawk a, amaute na gimsak ciangin amau’ khialhna panin a kihei uhleh,

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote, le note lakah a om meigong numeite tawh na lungdam khawm ding uh hi.

Thu-hilhkikna 12:21

Topa na Pasian un ama min koih nadingin a teelna mun pen note kiang panin a gamla lua ahihleh, note kong thupiaksa bangin Topa in no hong piaksa na bawnghon uh pan ahi a, na tuuhon uh pan ahi zongin khat peuhpeuh na go thei ding uh a, na duh zahzah uh na khuasung uhah na ne thei ding uh hi.

2 KHANG TANGTHU NIHNATE 7:17

Nang a dingin ahihleh, na pa David a gamtat bangin keima mai-ah na gamtat a, nang kong sawl khempeuh bangin semin, ka thukhamte le ka biakna ngeina kipte na zuih leh,

2 KHANG TANGTHU NIHNATE 30:8

Tu-in na pute na pate uh bangin lungkhauh kei unla, note kiang panin a lauhuai ama hehna a kiheikhiat theih nadingin Topa’ lamah kipia unla, amah in a tawntung dingin a sianthosaksa a biakinn-ah Topa na Pasian uh bia un.

Late 132:13

Bang hang hiam cih leh Topa in Zion teel khinzo a, amah in tua mun pen ama ten nadingin a deih hi.