2 KHANG TANGTHU NIHNATE 7:13 - Tedim Bible

¹³ Keimah in vantungte khakcipin guah a zuk loh ciang ahi a, gam sung a netum dingin kauphe thu ka piak ciang ahi a, ka mite lakah natna ka tunsak ciang ahi zongin,

Tedim Bible Revision 2017

¹³ Keimah in vantungte khakcipin guah a zuk loh ciang ahi a, gam sung a ne tum dingin kauphe thu ka piak ciang ahi a, ka mite lakah natna ka tunsak ciang ahi zongin,

2 KHANG TANGTHU NIHNATE 7:13 Referans Kwoze

Thu-hilhkikna 11:17

Tua hikeileh no tungah Topa hong hehin guah zu lo ding a, leitang in bangmah piangsak loin, Topa in no hong piak leitang hoihah manlangin na siat pak theihna dingun amah in vantungte khakcip kha ding hi.

Mangmuhna 11:6

Amaute’ ut hunhunin a thugen laitakun guah zu losak thei uh a, tuite sisan a suahsak theih nadingun vangliatna nei uh a, leitungah gimna a tuamtuam tungsak thei uh hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

Joel 2:25

Note a hong sim dingin ka hong sawl kauphe honpi, a tuan kauphe, a susia kauphe, a pettan kauphe, hih ka galkap honte in a hong neksak kum sungin a piang ding teng tang kong piakik ding hi.

JOB (Job) 12:14

Pasian in phelkek leh kuamah in lamkik zo lo a, Pasian in thongah mi koih leh kuamah in suaktasak zo lo hi.

Luka 4:25

A taktakin ci lehang, Elijah’ hun lai-in kum thum le alang sung guah zu lo a, gam sung khempeuhah kialpi a tun hun laitakin Israel gam sungah meigong numei tampi tak om hi.

Late 105:34

Amah kampau a, kauphete le tangngolte, simzawh lohin hong pai uh a,

JOB (Job) 11:10

Pasian in nang hong manin thu hong sit leh amah a khaktan ding kua om ahi hiam?

Gamlak-vakna 14:12

Pulnatna tawh amaute vatgawpin ka lawnkhia kik ding a, amaute sangin a lianzaw a thahat zaw minamin nang kong bawl ding hi,” a ci hi.

Amos 4:7

Tua ahih manin anlak hun ding kha thum bek in a sap laitak, lolai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte-ah ka zusak kei hi. Lo khat bekah guah zu a, a zuk lohna lote a keutum hi.