2 KHANG TANGTHU NIHNATE 7:10 - Tedim Bible

¹⁰ A kha sagihna a ni thum ni-in, Topa in David le Solomon, le ama mi Israel tungah a hoih a bawlna hangin amah in lungdamna le kipakna tawh a inn uhah mite a ciahsak hi.

Tedim Bible Revision 2017

¹⁰ A kha sagihna a ni thum ni-in, Topa in David le Solomon le ama mi Israel tungah a hoih a bawlna hangin amah in lungdamna le kipakna tawh a inn uh ah mite a ciahsak hi.

2 KHANG TANGTHU NIHNATE 7:10 Referans Kwoze

1 KUMPI MASATE 8:66

A ni giat ni-in amah in mite ciahsak hi. Amaute in kumpipa thupha pia uh a, Topa in a nasempa David le ama mi Israel-te tungah hoihna a lahnate khempeuh hangin lungdamna le lungsim kipahna tawh a inn ciat uhah a ciah uh hi.

Filippi 4:4

Topa sungah lungdam tawntung un, ka hong cihsa bangin tu-in zong lungdam un, ka hong ci kik hi.

Sawltak 16:34

Tua ciangin a inn-ah amaute ciahpihin an a pia hi. Tu-in Pasian thu um uh ahih manin amah a kipan a innkuanpih khempeuh a lungdam mahmah uh hi.

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

Late 105:3

Ama min siangtho hangin lungdam unla, Topa a zong mite lungdam tahen.

Late 100:2

Lungdamna tawh Topa’ na sem un. Ama omna-ah la sa kawmin hong pai un.

Late 92:4

Bang hang hiam cih leh Topa aw, nangma sepna tawh kei nong lungdamsak a, nangma sepnate hangin lungdamin la ka sa hi.

Late 32:11

Thumante aw, Topa tungah lungdamin kipak un. Lungsim man mi khempeuh aw, lungdamin awng un!

Nehemiah 8:10

Tua ciangin amah in amaute kiangah, “Tu-in ciah un. Anlim tuilim ne-in thadim unla, a nei zo lote zong va kholh un; bang hang hiam cih leh i Topa a dingin tuni pen biakna ni siangtho ni ahi hi; dah kei un, bang hang hiam cih leh Topa’ hong piak lungdamna in note hong thahatsak ding hi,” a ci hi.

2 KHANG TANGTHU NIHNATE 30:26

Israel kumpi David’ tapa Solomon hun a kipanin Jerusalem-ah hih bang om ngei lo ahih manin Jerusalem-ah lungdamna lianpi a om hi.

2 KHANG TANGTHU NIHNATE 29:36

Pasian in mite a dingin a bawlsak thute hangin Hezekiah le mi khempeuh lungdam uh hi; bang hang hiam cih leh tua thu thakhatin hong piangvat hi.

2 KHANG TANGTHU NIHNATE 6:41

Tu-in ding in, Topa Pasian aw, na tawlngakna ding munah na vangliatna lim Thuciamna Singkuang tawh pai in. Topa Pasian aw, na siampite, thupha pia inla, na hoihna-ah na mi siangthote lungdam tahen.

Thu-hilhkikna 16:14

Tua pawi sungah nang a kipan na tanute le na tapate, na nasem numeite le na nasem pasalte, Levi mite, peemtate, pa nei lote, le na khua sunga om meigong numeite tawh na lungdam khawm ding uh hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a teelna munah, note a kipan na tanute le na tapate, na nasem numeite le na nasem pasalte, na khua sunga om Levi mite, peemtate, pa nei lote, le note lakah a om meigong numeite tawh na lungdam khawm ding uh hi.

Thu-hilhkikna 12:18

Topa na Pasian un a teelna munah note le na tapate le na tanute, na nasem numeite le na nasem pasalte, le na khuapite uh sunga om Levi mite in Topa na Pasian uh mai-ah na ne ding uh hi. Na hihna khempeuh uhah Topa na Pasian uh mai-ah na lungdam ding uh hi.

Thu-hilhkikna 12:12

Topa na Pasian uh mai-ah note le na tapate uh le na tanute uh, na nasem numeite uh le na nasem pasalte uh, le note’ neih bangin tanh ahi a, luah ahi zongin a nei lo na khuasung uha om Levi mite tawh lungdam khawm un.

Thu-hilhkikna 12:7

Topa na Pasian uh mai tua lai munah na ne ding uh a, Topa na Pasian un note thupha hong piakna hangin na hihna khempeuh uhah note le na innkuanpihte na lungdam ding uh hi.

Paikhiatna 18:1

Moses’ sungpa, Midian siampi Jethro in Moses le ama mi Israel-te a dingin Pasian’ sepna, Topa in Egypt panin Israel mite a paikhiatpihna thu khempeuh a za hi.

2 KHANG TANGTHU NIHNATE 7:9

Tua ciangin a ni giat ni-in amaute in a thukhupna khat nei uh hi; bang hang hiam cih leh amaute in biakinn apna ni sagih sung pawi kham uh a, tua pawi ni sagih sung kibawl hi.

2 KHANG TANGTHU NIHNATE 7:11

Tua bangin Solomon in Topa’ biakinn le kumpi inn zo hi. Solomon in Topa’ biakinn le ama inn sungah hih dinga a geel khempeuh nuamtakin zo hi.

Ezekiel 45:25

“A kha sagihna a ni sawm le nga ni-in nipikal khat sung a kibawl ding Buk Pawi kipan ding a, mawhna hanga biakpiakna, meihal biakna, le an tawh biakna-in piak dingin an le sathaute, nisimin a kisamzah, gam uk ulianpa in pia ding hi.