2 KHANG TANGTHU NIHNATE 6:41 - Tedim Bible

⁴¹ Tu-in ding in, Topa Pasian aw, na tawlngakna ding munah na vangliatna lim Thuciamna Singkuang tawh pai in. Topa Pasian aw, na siampite, thupha pia inla, na hoihna-ah na mi siangthote lungdam tahen.

Tedim Bible Revision 2017

⁴¹ Tu-in ding in, Topa Pasian aw, na tawlngak nading munah na vangliatna lim Thuciamna Singkuang tawh pai in. Topa Pasian aw, na siampite, thupha pia inla, na hoihna ah na mi siangthote lungdam tahen.

2 KHANG TANGTHU NIHNATE 6:41 Referans Kwoze

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

1 KHANG TANGTHU MASATE 28:2

Tua ciangin Kumpi David a khe-in dingto-in, “Ka sanggamte le ka mite aw, ka thugen hong za un. Topa’ Thuciamna Singkuang a’ ding le i Pasian’ khengak nadingin tawlngakna biakinn khat lam ding ka lungsim sungah om a, a lamna ding ka kiging hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

Late 132:16

Ka hotkhiatna thu, a siampite ka taangkosak ding a, a mi siangthote lungdamin la sa-in awng ding uh hi.

Nehemiah 9:25

Tua hi a, amaute in kulhnei khuapite le gam hoihte la uh a, na hoih tampi tawh a kidim innte, suang kikhuak tuibemte, leenggui lote, oliv lote, le nek theih singgah kung tampi a luah uh hi. Amaute in tuate ne-in gilvahin thau uh a, nangma hoihna hangin nuamsa mahmah uh hi.

Mangmuhna 19:14

Vantung galkapte a siangtho puanpak hoih tawh kizem uh a, sakol kangte tungah tuangin amah a zui uh hi.

Mangmuhna 19:8

Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasian’ mi siangthote’ gamtatna mante ahi hi.

Filippi 4:4

Topa sungah lungdam tawntung un, ka hong cihsa bangin tu-in zong lungdam un, ka hong ci kik hi.

Filippi 3:3

Bang hang hiam cih leh eite in Kha Siangtho’ hong huhna tawh Pasian bia-in, Jesuh Khrih tawh i kipawl manin lungdamin, a tung lama kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi.

Galati 3:27

Khrih sungah a kiphum note in Khrih’ pianzia a nei khinta na hi uh hi.

ROM (Romans) 13:14

Kidal nadingin, Topa Jesuh Khrih’ hong piak galhiamte zang unla, na pumpi uh deihna bangin gamtat nading hun omsak nawn kei un.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

Zekhariah 9:17

Tua thu bangzah takin hoihin nuam ding ahi hiam? Anlim nekna in tangvalte thahatsak ding a, zulim nekna in nungakte thadimsak ding hi.

Isaiah 61:6

Ahih hangin note pen Topa’ siampite hong kici ding a, mihingte in note pen i Pasian’ nasemte, ci-in hong gen ding uh hi. Minamte’ hauhna teng note in na ne ding uh a, amau’ hauhna teng note in na kisaktheihpih ding uh hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi.

Late 110:2

Topa in Zion panin na kumpi ciangkhut hong puak hi. Na galte’ tungah uk in.

Late 65:11

Nangma hauhna tawh kum na phasak a, na leeng paina khempeuhah sathau a taak hi.

Late 65:4

Nangma inn-ah a om dingin na teel na lakte mi nuamsa ahi hi. Nangma biakinn siangtho, na innsunga hoihna tawh kote ka lungkim ding uh hi.

Joshua 3:13

Leitung buppi’ Topa ahi Topa’ Thuciamna Singkuang a pua siampite’ khete in Jordan tui a sik ciangin Jordan tuite luang nawn lo ding a, a tunglam panin hong luangsuk tuite lomkhatin khawl ding hi,” a ci hi.