2 KHANG TANGTHU NIHNATE 6:21 - Tedim Bible

²¹ Amaute in hih mun lam nga-in thu hong nget uh ciangin na nasempa le na mi Israel-te’ hong thumnate nangmah in ngai in. Na tenna mun vantung panin hong za takpi inla, na zak ciangin hong maisak in.

Tedim Bible Revision 2017

²¹ Amaute in hih mun lam nga-in thu hong nget uh ciangin na nasem pa le na mi Israel-teʼ hong thumnate nangmah in ngai in. Na teenna mun vantung panin hong za takpi inla, na zak ciangin hong maisak in.

2 KHANG TANGTHU NIHNATE 6:21 Referans Kwoze

Micah 7:18

Topa aw, nang tawh a kibang Pasian dang om lo a, a omlai na mite’ mawhna nangmah in na maisak hi. Nang na heh paisuak kei a, na itna kip nong lak hi.

Daniel 9:19

Topa aw, kong thungetna uh hong za inla, ka mawhna uh hong maisak in. Topa aw, hong ngai inla hong sem in! Mi khempeuh in Pasian na hihlam a hong theih nadingun hong zekai kei in. Hih khuapi le hih mite na neihsa ahi hi,” ka ci hi.

Isaiah 43:25

Na thupalsatnate hong paihkhiatsak pa pen keimah ka hi a, kei ka hih manin na khialhnate ka ciamteh kei ding hi.

2 KHANG TANGTHU NIHNATE 30:27

Tua ahih ciangin siampite le Levi mite dingin mite thupha pia uh a, amau’ awging kiza-in, amau’ thungetna in vantung a a siangtho ama tenna a banto hi.

2 KHANG TANGTHU NIHNATE 6:39

na tenna vantung panin amau’ thungetna le hong thumnate za in la, amau’ vai huhin nang tungah hong khial na mite maisak in.

Mattiu 6:12

Kote tungah a hong mawhte mawh maisakna ka neih bangun ko’ mawhna zong hong maisak in.

Mattiu 6:9

Tua ahih manin thu na nget uh ciangin hih bangin na ngen un: ‘Vantunga om kote’ Pa aw, na min siangtho kizahtak hen.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Isaiah 44:22

Na thupalsatnate meiipi bangin na khialhnate meiilum bangin ka phiatkhia khinzo hi. Hong honkhia khin ka hih manin kei kiangah hong ciahkik in.

Thuhilh-sia 5:2

Thu ngaihsun masa-in pau inla, Pasian’ tungah thu mawk ciampak kei in. Vantungah Pasian om a, leitungah nang om na hih manin na pau ding a kilawm zahval pau kei in.

Late 123:1

Vantungah a om pa aw, nangmah kong ento hi.

2 KHANG TANGTHU NIHNATE 6:22

“Mi khat a vengte tungah khialin kiciamna kiciamsak a, hong pai-in hih biakinn sung na biakna tau mai-ah a kiciamna hong kiciam le,

Isaiah 18:4

Bang hang hiam cih leh Topa in kei tungah, “Nitaang sunga nisa silsel, anlak nisat hun sunga meiizun bangin, ka omna panin daitakin ka en ding hi,” hong ci hi.