2 KHANG TANGTHU NIHNATE 6:16 - Tedim Bible

¹⁶ Tua ahih ciangin tu-in Israel Pasian, Topa aw, ama tungah thu ciamin, ‘Keima thu na hong man’ bangin na suan na khakte in ka thukham zui-in a gamtatna uhah a kidop nak-uhleh Israel kumpi tokhom tungah a tu dingin keima mai-ah mi khat beek na kitasam kei ding hi,’ na cihsa bangin na nasem ka pa David tawh na thuciamsa kipsak in.

Tedim Bible Revision 2017

¹⁶ Tua ahih ciangin tu-in Israel Pasian, Topa aw, ama tungah thu ciamin, ‘Keima thu na hong man bangin na suan na khakte in ka thukham zui-in a gamtatna uh ah a kidop nak uh leh Israel kumpi tokhom tungah a tu dingin keima mai ah mi khat beek na kitasam kei ding hi,’ na cih sa bangin na nasem ka pa David tawh na thuciam sa kipsak in.

2 KHANG TANGTHU NIHNATE 6:16 Referans Kwoze

Late 132:12

Na tate in, amau’ tungah ka hilh ding ka thuciamna le ka teci pannate a zuih nak-uhleh, amau’ tate zong na kumpi tokhom tungah tu paisuak ding uh hi,” na ci hi.

2 KHANG TANGTHU NIHNATE 7:18

na pa David tawh kiciamin, ‘Israel a uk dingin mi khat zong na kitasam kei ding hi,’ ka cih bangin na kumpi tokhom ka kipsak ding hi.

Ezekiel 36:37

“Tu-a tengbek hi loin adang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

Late 26:3

Bang hang hiam cih leh na itna kip in lam hong lak a, nangma tungah citakin ka gamta hi.

1 KUMPI MASATE 6:12

“Nangmah in na lam hih biakinn tawh kisai-in, ka thukhamte zui-in ka ngeina kipte mang a, ka thupiaknate khempeuh kemin tuate na zuih leh, na pa David tungah ka gen thu nang’ tungah kong kipsak ding hi.

2 KHANG TANGTHU NIHNATE 6:17

Tua ahih ciangin tu-in Israel Pasian, Topa aw, na nasempa David tungah na gensa na kammal kipsak in.

Late 119:9

Tangval khat in ama gamtatna a siangtho mahmah dingin bangci kep ding ahi hiam? Nangma thu zuihna tawh ama gamtatna siangthosak thei ding hi.

Late 132:11

Topa in a pelh loh ding kiciamna taktak khat David tungah kiciam a, “Nang’ sung pana na tate khat na kumpi tokhom tungah ka koih ding hi.

2 KHANG TANGTHU NIHNATE 7:17

Nang a dingin ahihleh, na pa David a gamtat bangin keima mai-ah na gamtat a, nang kong sawl khempeuh bangin semin, ka thukhamte le ka biakna ngeina kipte na zuih leh,

2 KHANG TANGTHU NIHNATE 13:5

Israel Topa Pasian in David le a suante tungah Israel kumpi hih ding thuciamna kip tawh a piakna na theih ding uh kilawm hi lo ahi hiam?

2 KHANG TANGTHU NIHNATE 21:7

Ahi zongin, David tawh a bawlsa a thuciamna, ama tung le a suante tungah ukna za a piak suakna ding a ciam khitna hangin Topa in David’ suante susia lo hi.

2 KHANG TANGTHU NIHNATE 23:3

Tua ciangin a kikhawm khempeuh in Pasian’ biakinn sungah kumpipa tapa Joash tawh thuciamna khat bawl uh hi. Tua ciangin Jehoiada in amaute kiangah, “En un, kumpipa’ tapa! Topa in David suante tawh kisai-in a gen bangin amah uksak un.