2 KHANG TANGTHU NIHNATE 6:14 - Tedim Bible

¹⁴ Tua ciangin Solomon in thu ngen a, “Israel Pasian, Topa aw, vantungah ahi a, leitungah ahi zongin thuciamna lenin a lungsim khempeuh uh tawh nangma thu hong mang na nasemte tungah itna kip a lak, nang tawh a kibang Pasian dang om lo hi.

Tedim Bible Revision 2017

¹⁴ Tua ciangin Solomon in thu ngen a, “Israel Pasian, Topa aw, vantungah ahi a, leitungah ahi zongin thuciamna lenin a lungsim khempeuh uh tawh nangma thu hong mang na nasemte tungah itna kip a lak, nang tawh a kibang Pasian dang om lo hi.

2 KHANG TANGTHU NIHNATE 6:14 Referans Kwoze

Paikhiatna 15:11

“Topa aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tulkhat dongin thuciamna le itna kip lenin a thuman Pasian,

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasian’ lungkimna bangin na gamtat theih nadingun ka hong gengen uh hi.

Luka 1:50

amah a zahtak mite tungah a khangkhangin hehpihna a lak hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Late 89:28

Amah ka itna ka kipsak tawntung ding a, ama tungah ka thuciamna ka kipsak tawntung ding hi.

Late 89:8

Vanglian Topa Pasian aw, na khempeuhah na thutak a, nangmah bangin a vanglian kua om ahi hiam, Topa aw.

Late 89:6

Bang hang hiam cih leh Topa pen vantung a kua tawh kitehthei ding ahi hiam? Mi siangthote’ kikhopna sungah a kizahtak Pasian, a kiima omte khempeuh tungah lianin a zahtakhuai Topa pen van mite’ lakah kua pen tawh kibang ahi hiam?

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah thuciamna limtakin a zui, a lian a kihtakhuai Pasian aw,

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

1 KUMPI MASATE 18:36

Biakpiak hun ciangin kamsang Elijah a nai-ah hong pai-in, “Abraham, Isaac, le Israel Pasian, Topa aw, nang pen Israel sungah Pasian na hihna, le kei pen nangma nasem ka hihna, le hih nate khempeuh nangma thu tawh ka hihna thu tuni-in kitheisak in.

1 KUMPI MASATE 8:23

Amah in, “Israel Pasian, Topa aw, tunga om vantung ahi a, nuai-a om leitungah ahi zongin, nangma mai-ah a lungsim khempeuh uh tawh a gamta na nasemte tungah thuciamna lenin itna kip a lak, nang tawh a kibang pasian om lo hi.

1 KUMPI MASATE 6:12

“Nangmah in na lam hih biakinn tawh kisai-in, ka thukhamte zui-in ka ngeina kipte mang a, ka thupiaknate khempeuh kemin tuate na zuih leh, na pa David tungah ka gen thu nang’ tungah kong kipsak ding hi.

1 KUMPI MASATE 3:6

Solomon in, “Na nasem ka pa David’ tungah a lian itna kip na lak hi. Bang hang hiam cih leh cihtakna, thumanna tawh nangma mai-ah gamta-in, nangma tungah lungsim thutang hi. Nangmah in ama a dingin hih a lian itna kip koihsakin, tuni-in ama tokhom tungah a tu ding tapa khat na pia hi.

Thu-hilhkikna 4:39

Tua ahih ciangin tunga om vantung hitaleh nuai-a om leitung hitaleh ah Topa pen Pasian ahihna thu tuni-in thei unla, na lungsim uhah ciamteh un; kuamah dang om lo hi.

Piancilna 33:20

Tua lai-ah amah in biakna tau khat bawl a, El-Elohe-Israel, ci-in min a phuak hi.

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Piancilna 5:24

Enok pen Pasian tawh kikhawl hi. Enok kimu nawn lo hi; bang hang hiam cih leh Pasian in amah la hi.

Luka 1:72

I pu i pate a hehpih nading le ama thuciam siangtho hong mangngilh loh nading, amah in hong gen hi.

Daniel 9:4

Topa ka Pasian’ kiangah thu ngenin ka mite’ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Jeremiah 10:16

Jakob’ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Late 86:8

Topa aw, pasian-te lakah nang tawh a kibang kuamah om lo a, nangma sep bang, kuamah in sem thei lo hi.

1 KHANG TANGTHU MASATE 29:10

Tua ahih ciangin a kikhawmte khempeuh’ omna-ah David in Topa phat hi. David in, “Nang, Topa, ka pu uh Israel Pasian aw, a tawntungin thupha ngah ta in.

2 SAMUEL NIHNA 7:22

Tua ahih ciangin nang na lian takpi hi, Topa Pasian aw. Ka bilun ka zakna uh tawh kizui-in nang tawh a kibang kuamah om lo a, nang simloh Pasian dang om lo hi.

Paikhiatna 3:15

Pasian in Moses kiangah, “Hih thu Israel mite tungah gen in: ‘Topa, na pate uh’ Pasian, Abraham’ Pasian, Isaac’ Pasian, le Jakob’ Pasian in note kiangah kei hong sawl hi,’ ci in. Hih pen keima min hi tawntung ahih manin kei pen khang tawntungin phawk ding ka hi hi.

Piancilna 35:10

Pasian in ama kiangah, “Na min Jakob ahi hi. Ahi zongin tu-a kipanin nangma min pen Jakob kici nawn lo ding a, Israel, hong kici ding hi,” a ci hi. Tua ahih ciangin ama min Israel, kici hi.

Thu-hilhkikna 3:24

‘Topa Pasian aw, na liatna le na thahatnate na nasempa’ tungah lah ding a hong kipan pan bek na hi hi; bang hang hiam cih leh vantung hitaleh leitungah hitaleh nangma hih bangin tua bang nasep leh a vanglian gamtatna a hih thei bang pasian om ahi hiam?

Paikhiatna 8:6

Tua ahih ciangin Aaron in Egypt tuite tungah a khut zan a, uiphukte hong pai-in Egypt leitang a tuam hi.

2 KHANG TANGTHU NIHNATE 6:17

Tua ahih ciangin tu-in Israel Pasian, Topa aw, na nasempa David tungah na gensa na kammal kipsak in.

2 KHANG TANGTHU NIHNATE 20:6

“Topa, ka pu ka pate uh Pasian aw, nang, vantungah Pasian hi lo na hi hiam? Minamte’ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.