2 KHANG TANGTHU NIHNATE 5:7 - Tedim Bible

⁷ Tua ahih ciangin siampite in kherub-te’ kha nuai, siangtho pen mun sung, biakinn sungnung sung ama munah Topa’ Thuciamna Singkuang a paipih uh hi.

Tedim Bible Revision 2017

⁷ Tua ahih ciangin siampite in kherub-teʼ kha nuai, siangtho pen mun sung, biakinn sung nung sung ama munah Topaʼ Thuciamna Singkuang a paipih uh hi.

2 KHANG TANGTHU NIHNATE 5:7 Referans Kwoze

Late 132:8

Topa aw, tho inla na vangliatna lim Thuciamna Singkuang tawh na omna munah pai in.

2 KHANG TANGTHU NIHNATE 4:20

a kigelhsa bangin biakinn sungnung mai-ah vak dingin kham citak meivakkhuamte le a meivakte;

1 KHANG TANGTHU MASATE 22:19

Tu-in Topa na Pasian uh a zong dingin na ngaihsutna uh le na lungsim uh kipsak un. Topa’ min dingin a kilam biakinn sungah Topa’ Thuciamna Singkuang le Pasian’ umlebeel siangthote a kipaipih theih nadingin kithawi unla Topa Pasian’ biakinn lam un,” a ci hi.

2 KHANG TANGTHU NIHNATE 5:4

Tua ciangin Israel upate khempeuh hong pai uh a, Levi mite in Thuciamna Singkuang la uh hi.

2 KHANG TANGTHU NIHNATE 5:6

Tua ciangin Kumpi Solomon le ama mai-ah a kikhawm Israel-te khempeuh Thuciamna Singkuang mai-ah om uh a, biakna-in tuu le bawngtal tampi tak pia uh ahih manin a phazah kisim zo lo hi.

2 KHANG TANGTHU NIHNATE 5:8

Kherub-te in Thuciamna Singkuang tungah a khate uh zak uh ahih manin kherub-te pen Thuciamna Singkuang le a zawlte tungah khuhna khat a suak uh hi.

2 KHANG TANGTHU NIHNATE 6:11

Amah in Israel mite tawh a bawl Topa’ thuciamna a kikoihna Thuciamna Singkuang tu-in tua lai-ah ka koih khin hi,” a ci hi.

Ezekiel 41:4

Tua inndei sungnung a teh ciangin a dung a vai pi sawmthum le li tuak a pha hi. Tua ciangin amah in kei kiangah, “Hih lai pen Siangtho Pen Mun ahi hi,” hong ci hi.

2 KHANG TANGTHU NIHNATE 35:3

Tua ciangin amah in Israel khempeuh hilhin Topa’ tungah a siangtho Levi mite tungah, “Israel kumpipa, David’ tapa Solomon in a lam biakinn sungah Thuciamna Singkuang siangtho koih un. Na liangko tung uhah na puak ding uh kisam nawn lo hi. Tu-in Topa na Pasian uh le ama mi Israel-te’ na sem un.