2 KHANG TANGTHU NIHNATE 5:2 - Tedim Bible

² Tua ciangin Zion a kici David khuapi sung panin Topa’ Thuciamna Singkuang a paipihto dingin Kumpi Solomon in Israel upate, minam lutang khempeuh, le Israel beh makaite, Jerusalem-ah kaikhawm hi.

Tedim Bible Revision 2017

² Tua ciangin Zion a kici David khuapi sung panin Topaʼ Thuciamna Singkuang a paipih to dingin Kumpi Solomon in Israel upate, minam lutang khempeuh le Israel beh makaite, Jerusalem ah kaikhawm hi.

2 KHANG TANGTHU NIHNATE 5:2 Referans Kwoze

2 SAMUEL NIHNA 6:12

Tua ciangin Kumpi David kiangah, “Pasian’ Thuciamna Singkuang hangin Topa in Obededom innkuan le ama neih khempeuh thupha pia hi,” ci-in kigen hi. Tua ahih ciangin David pai-in Obededom’ inn panin David khuapi-ah lungdamna tawh Pasian’ Thuciamna Singkuang paipihto hi.

2 KHANG TANGTHU NIHNATE 1:4

(Ahih hangin David in Kiriathjearim panin ama a dingin a bawlsak nasa munah Pasian’ Thuciamna Singkuang paipihto khin hi; bang hang hiam cih leh amah in Jerusalem-ah ama a dingin puanbuk khat lamsak khin hi.)

Late 87:2

Topa in Israel gam mundang khempeuhte sangin Zion kulhkongpi itzaw hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

2 KHANG TANGTHU NIHNATE 5:12

Tua ciangin Levi mi lasate Asaf, Heman, le Jeduthun, amau’ tapate le a behte, saihadial puan tawh kizemin, daltuahte, harp lasaknate, le laiza lasaknate tawi-in peengkul tum siampite za le sawmnih tawh biakna tau nisuahna lamah ding khawm uh hi.

2 KHANG TANGTHU NIHNATE 5:1

Tua bangin Topa’ biakinn ding a hih nasep khempeuh kizo hi. Tua ciangin a pa David in a apsa nate Solomon in paipihin, Pasian’ biakinn sung vanmanpha koihnate sungah a ngunte, a khamte, le umlebeel khempeuh a seng hi.

1 KHANG TANGTHU MASATE 28:1

David in Jerusalem-a Israel-te lakah zaneite, minamte sungah zaneite, kumpipa’ na a sem a khente sungah uliante, a tultul a a ukte, a zaza-a a ukte, neihsa khempeuh le kumpipa’ ganhingte le a tapate a kemte pen, kumpi inn-a zaneite, a thahat mite, le gal a hang tawntungte khempeuh tawh a khawm hi.

1 KHANG TANGTHU MASATE 26:26

Hih Shelomith le a sanggamte in, Kumpi David, beh lutangte, le a tultul le a zaza-a uk uliante, le galkap a ukte in a ap uh ahi, a ki-ap letsongte a kikoihna khempeuh uk uh hi.

1 KHANG TANGTHU MASATE 24:31

Hihte in zong a behte uh ahi Aaron’ suante mah bangin Kumpi David, Zadok, Ahimelek, siampite, le Levi mi beh lutangte’ muhna-ah beh lutangte le a nau pasalte khat ciat in a kibangin aisanna tawh nasep tavuan a la uh hi.

1 KHANG TANGTHU MASATE 24:6

Tua ciangin Levi mi Nethanel’ tapa ahi lai-at pa Shemaiah in kumpipa, uliante, siampi Zadok, Abiathar’ tapa Ahimelek, siampite, le Levi mi beh lutangte’ omna-ah amaute ciamteh hi. Eleazar’ suante-a’ dingin khat kiteelin, tua ciangin Ithamar’ suante a dingin khat kiteel a, kilaihsak niloh uh hi.

1 KHANG TANGTHU MASATE 16:1

Tua ciangin amaute in Pasian’ Thuciamna Singkuang hong tumpih uh a, David in ama a dingin a lamsak puanbuk sungah koih uh hi. Tua ciangin amaute in meihal biaknate le thunuama biaknate Pasian’ mai-ah pia uh hi.

1 KHANG TANGTHU MASATE 15:25

Tua ahih ciangin David le Israel upate, le a tul-a a ukte, Obededom’ inn panin lungdamna tawh Topa’ Thuciamna Singkuang a paipihto dingin a pai uh hi.

1 KHANG TANGTHU MASATE 15:12

amaute kiangah, “Note pen Levi mite beh lutangte na hi uh hi. Ama a dingin ka bawlsakna munah Israel Pasian, Topa’ Thuciamna Singkuang na paipihtoh theih nadingun note le na Levi mipihte uh nomau mah kisiansuah tawm un.

2 SAMUEL NIHNA 5:7

Ahi zongin David in kumpipa’ khua ahi Zion munmuanhuai la hi.

Gamlak-vakna 10:36

A khawl ciangin, “Topa aw, Israel tul sawm tampite’ kiangah hong ciahkik in,” a ci hi.

Gamlak-vakna 10:33

Tua ciangin Topa’ mual panin amaute dingkhia-in ni thum lam a pai uh hi. A tawlngak nading mun uh a zonsak dingin Topa’ Thuciamna Singkuang, amau’ mai ni thum lam na pai khol hi.

Siampi Laibu 9:5

Amaute in zong kikhopna buk mai-ah Moses’ thupiak teng hong paipih uh a, mihonpite khempeuh a nai-ah hong pai-in Topa’ mai-ah ding uh hi.

1 KHANG TANGTHU MASATE 15:1

David in ama a dingin David khuapi sungah innte a lam hi. Amah in Pasian’ Thuciamna Singkuang a dingin mun khat bawlin puanbuk khat lamsak hi.

1 KHANG TANGTHU MASATE 15:3

Tua ciangin amah in a bawlsa, ama omna ding munah Topa’ Thuciamna Singkuang a paipihto dingin David in Jerusalem-ah Israel mi khempeuh a khawm hi.