2 KHANG TANGTHU NIHNATE 5:12 - Tedim Bible

¹² Tua ciangin Levi mi lasate Asaf, Heman, le Jeduthun, amau’ tapate le a behte, saihadial puan tawh kizemin, daltuahte, harp lasaknate, le laiza lasaknate tawi-in peengkul tum siampite za le sawmnih tawh biakna tau nisuahna lamah ding khawm uh hi.

Tedim Bible Revision 2017

¹² Tua ciangin Levi mi lasate Asaf, Heman le Jeduthun, amauʼ tapate le a behte, saihadial puan tawh kizemin, daltuahte, harp lasaknate le laiza lasaknate tawi-in peengkul tum siampite za le sawm nih tawh biakna tau nisuahna lamah ding khawm uh hi.

2 KHANG TANGTHU NIHNATE 5:12 Referans Kwoze

1 KHANG TANGTHU MASATE 15:24

Siampite Shebaniah, Joshafat, Nethanel, Amasai, Zekhariah, Benaiah, le Eliezer-te in Pasian’ Thuciamna Singkuang mai-ah peengkulte tum ding uh hi. Obededom le Jehiah-te zong Thuciamna Singkuang a dingin kongcingte hi ding uh hi.

Late 68:25

A masa-in lasate, a nunungin tamngai tumte, a laizangah nungak khuangtumte in:

2 KHANG TANGTHU NIHNATE 29:25

Tua ciangin amah in David le kumpipa’ thumu pa Gad le kamsang Nathan’ thupiakna bangin Topa’ biakinn sungah daltuahte, harp lasaknate, le laiza lasaknate tawh Levi mite a koih hi; bang hang hiam cih leh tua thupiakna pen kamsangte’ tungtawnin Topa’ kiang pan a hong pai ahi hi.

2 KHANG TANGTHU NIHNATE 7:6

Siampite amau panmun uhah ding uh hi. Levi mite zong, Kumpi David in Topa tungah lungdam koh nadingin a bawl Topa’ tungah lasakna ding lasaknate tawh ding uh hi. Bang hang hiam cih leh ama itna kip tawntung hi. David in amau’ nasepna tawh phatnate a bawl ciangin tua bangin hih uh hi. Amaute tawh a kigalsai-ah siampite in peengkulte tum uh a, Israel mi khempeuh zong a ding uh hi.

1 KHANG TANGTHU MASATE 23:5

tulli kongcingte, le tulli in phatna dinga ka bawlsa lasaknate tawh Topa tungah phatna pia ding uh hi,” a ci hi.

1 KHANG TANGTHU MASATE 6:39

Asaf pen lasa pawl nihna a makai pa hi a, ama khangsimna a pupi Levi lam manawhin kileh simto hi. Tuate in: Asaf, a pa Berekhiah, a pa Shimea,

1 KHANG TANGTHU MASATE 6:33

Hih nasep a semte’ khangsimna a nuai-a bang ahi hi. Kohath mite beh sung panin: Heman la makai pa hi a, Joel’ tapa ahi hi. Heman’ khangsimna pen a pupi Israel lam manawhin kileh simto hi. Heman a pa Joel, a pa Samuel,

Mangmuhna 19:8

Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasian’ mi siangthote’ gamtatna mante ahi hi.

Mangmuhna 15:6

Tua biakinn sung panin vantungmi sagih, gimna sagih tawh hong pusuak uh a, puanpak silhin, kham awmgak tawh a awm uh a gak uh hi.

Late 149:3

Lamna tawh amah phat unla, khuang le laiza lasakna tawh ama tungah la ngaih sa un.

Late 88:1

Topa, ka Pasian aw, sunin huhna kong ngen a, zan hun sungin nangma mai-ah kong kiko hi.

Late 62:1

Dai dide-in Pasian bek ka ngak a, ama hong hotkhiat ding muangin ka om hi.

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.

1 KHANG TANGTHU MASATE 23:30

Tua ciangin amaute zingsang simin ding ding uh a, lungdamna ko-in Topa phatin, nitakin zong tua bangmahin hih ding uh a,

1 KHANG TANGTHU MASATE 15:27

David in saihadial puantualpi silh a, tua mah bangin Thuciamna Singkuang a pua Levi mite khempeuh, le lasate, le lasate a uk Khenaniah-te in zong a silh uh hi. Tua ciangin David in siampipuan khat silh hi.

1 KHANG TANGTHU MASATE 13:8

Tua ciangin David le Israel mi khempeuh in Pasian’ mai-ah la le laiza lasakna, harp lasakna, khuangneute, daltuahte, le peengkulte tawh a tha neih zahun gualnopna a bawl uh hi.

2 KHANG TANGTHU NIHNATE 29:26

David’ lasaknate tawh Levi mite ding uh a, peengkulte tawh siampite ding uh hi.