2 KHANG TANGTHU NIHNATE 4:9 - Tedim Bible

⁹ Amah in siampite’ inntual, le inntual lian, le inntual kongkhakte bawl a, a kongkhakte sumngo tawh a zut hi.

Tedim Bible Revision 2017

⁹ Amah in siampiteʼ inntual le inntual lian le inntual kongkhakte bawl a, a kongkhakte sumngo tawh a zut hi.

2 KHANG TANGTHU NIHNATE 4:9 Referans Kwoze

1 KUMPI MASATE 6:36

Amah in a kiseek suang gual thum le taamtak sing gual khat tawh a tual sungnung a bawl hi.

2 KUMPI NIHNATE 21:5

Tua ciangin amah in Topa’ biakinn tual nihte tungah vantung a om nate khempeuh a dingin biakna taute a lam hi.

1 KUMPI MASATE 7:12

Tual lianpi in a kimkotah a kiseek suang gual thum simin taamtak sing gual khat nei hi. Tua mah bangin Topa’ biakinn tual sungnung le innliim in zong a nei hi.

2 KHANG TANGTHU NIHNATE 33:5

Tua ciangin amah in Topa’ biakinn tual nihte sungah vantung nate khempeuh a dingin biakna taute lam hi.

Paikhiatna 27:9

“Biakbuk tual na bawl ding hi. A tual in leitaw lam pangah pang khat a dingin pi za le sawmnga a sau, a kopin a kikhuk khau hoih tawh a kigan a kikhai suk dalna puan nei ding hi.

Ezekiel 42:15

A mipa in biakinn sunglamteng a teh a zawh khit ciangin nisuahna lam kongpi tawnin hong pusuahpih a, biakinn pualamteng a teh hi.