2 KHANG TANGTHU NIHNATE 34:8 - Tedim Bible

⁸ Tu-in ama uk a kum sawm le giatna, gam sung le biakinn a siansak khit ciangin, Topa a Pasian’ biakinn a puah dingin amah in Azariah’ tapa Shafan, le khuapi sung ukpa Maaseiah, le thu ciamteh pa ahi, Joahaz’ tapa Joah a sawl hi.

Tedim Bible Revision 2017

⁸ Tu-in ama uk a kum sawm le kum giatna, gam sung le biakinn a siansak khit ciangin, Topa a Pasianʼ biakinn a puah dingin amah in Azariahʼ tapa Shafan le khuapi sung ukpa Maaseiah le thuciamteh pa ahi, Joahazʼ tapa Joah a sawl hi.

2 KHANG TANGTHU NIHNATE 34:8 Referans Kwoze

2 SAMUEL NIHNA 8:16

Zeruiah’ tapa Joab in galkapte uk hi. Ahilud’ tapa Jehoshafat thu ciamteh pa ahi hi.

Ezekiel 8:11

Tua lai-ah Israel minam makai sawmsagih na om a, tuate’ lakah Shafan’ tapa Jaazaniah zong na om hi. Amaute in paknamtui halna kuang khat ciat tawi uh a, paknamtui a kihalna khute van lamah kahto biaibuai hi.

Jeremiah 40:11

Tua mah bangin Moab gam, Ammon gam, Edom gam, le gamdang a teng Judah mi khempeuh in, Babylon kumpipa in Judah gamah mi pawlkhat omsak lai a, tuate a uk dingin Ahikam’ tapa, Shafan’ tupa Gedaliah koih hi, cih thu a za uh hi.

Jeremiah 39:14

thong huangsung panin kei a hong lakhia uh hi. Ahikam’ tapa ahi, Shafan’ tupa Gedaliah in hong kemin inn-ah a hong ciahpih dingin kei a hong ap uh hi. Tua ahih manin ka mipihte’ lak mahah ka om hi.

Jeremiah 36:10

Tua ciangin Topa’ biakinnsung, a Kongpi Thak tumna gei, a dei tungnunga Shafan’ tapa thuvanpi pa Gemariah’ inndei sungah mi khempeuh’ zakin Baruk in laizial sunga ka gelhsak kammalte a simkhia hi.

Jeremiah 29:21

“Vanglian Topa, Israel mite’ Pasian in, kei’ min tawh note kiangah zuauthu a hong hilh Kolaiah’ tapa Ahab le Maaseiah’ tapa Zedekiah-te tawh kisai-in kong genin-ah: En un, keimah in amaute Babylon kumpipa Nebukhadnezzar’ khut sungah ka pia ding a, amah in note’ muhin amaute a thatlum ding hi.

Jeremiah 29:3

Tua laikhak pen Judah kumpipa Zedekiah in Babylon khua Nebukhadnezzar kumpipa kiangah kumpi taangmi dingin a puak Shafan’ tapa Elasah le Hilkiah’ tapa Gemariah-te ka puasak hi. Tua sungah:

Jeremiah 26:24

Ahih hangin Shafan’ tapa Ahikam in Jeremiah hu ahih manin thah dingin mite’ khut sungah kipia lo hi.

Jeremiah 21:1

Zedekiah kumpipa in Malkhiah’ tapa Pashhur le Maaseiah’ tapa Zefaniah-te, Jeremiah kiangah sawl a,

2 KHANG TANGTHU NIHNATE 18:25

Tua ciangin Israel kumpipa in, “Mikaiah man unla, khuapi ukpa Amon le kumpipa’ tapa Joash kiangah paipih kik un.

1 KHANG TANGTHU MASATE 18:15

Zeruiah’ tapa Joab pen galkapte a uk hi a, Ahilud’ tapa Jehoshafat pen thuciamteh pa ahi hi.

2 SAMUEL NIHNA 20:24

Adoram pen aana tawh na a kisemsakte a uk ahi hi. Ahilud’ tapa Jehoshafat pen thu ciamteh pa ahi hi.

Jeremiah 25:3

“Amon’ tapa Josiah, Judah gamah kumpi a suahzawh a kum sawm le thum pan tu ciang dong kum sawmnih le kum thum sung Topa in kei hong hopih a, ke’n zong note kiangah kong gensawn tawntung hangin note in na ngai kei uh hi.

2 KHANG TANGTHU NIHNATE 24:5

Amah in siampite le Levi mite khempeuh khawmin amaute kiangah, “Judah khuapite-ah pai unla, Pasian’ biakinn a kum kumin puah nadingin Israel khempeuh tung panin sum khawm un; hih thu na nawh hih ding uh thei un,” a ci hi. Ahih hangin Levi mite kinawh lo uh hi.

2 KHANG TANGTHU NIHNATE 24:12

Tua ciangin kumpipa le Jehoiada in Topa’ biakinn nasep a ukte tungah tua sumte pia uh a, amaute in Topa’ biakinn a ngei a bangsakkik dingin leilesuang nasep a siamte le khutsiamte, le Topa’ biakinn a puahkik dingin sik le sumngo nasep a siamte zong a cial uh hi.