2 KHANG TANGTHU NIHNATE 34:5 - Tedim Bible

⁵ Amah in amau’ biakna taute tungah a siampite’ guhte zong hal a, Judah le Jerusalem a siangsak hi.

Tedim Bible Revision 2017

⁵ Amah in amauʼ biakna taute tungah a siampiteʼ guhte zong hal a, Judah le Jerusalem a siangsak hi.

2 KHANG TANGTHU NIHNATE 34:5 Referans Kwoze

1 KUMPI MASATE 13:2

Tua ciangin Topa’ sawlna bangin biakna tau langpangin mipa kiko a, “Biakna tau, biakna tau aw, Topa in hih bangin ci hi: ‘En in, Josiah min nei tapa khat David’ suan sung pan hong piang ding hi. Amah in nangma tungah paknamtui a hal mualtung a biakna a pia siampite nangma tungah biakna-in pia ding a, nangma tungah mihingte’ guhte kihal ding hi,’ ci hi,” a ci hi.

Ezekiel 22:24

“Mihing ahi Ezekiel aw, Israel mite pen ka hehna hangin puah loin, a tungah guah ka zuksak lohna leitang tawh a kibatna uh amaute kiangah gen in.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Jeremiah 3:10

Hih bang teng hinapi a sanggamnu, numei ginalo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

2 KHANG TANGTHU NIHNATE 34:7

amah in biakna taute sukhamin Asherah milimte le milim dangte satvui a, Israel gam sung khempeuhah paknamtui biakna taute a satvui hi. Tua ciangin Jerusalem-ah a ciahkik hi.

2 KUMPI NIHNATE 23:20

Tua ciangin amah in tua lai-a a om, mualtung a biakna siampite khempeuh, biakna taute tungah that a, tuate tungah mihing guh a hal hi. Tua ciangin Jerusalem-ah amah a ciahkik hi.

2 KUMPI NIHNATE 23:16

Tua ciangin Josiah kihei-in khuadak a, mualtung a om hante a mu hi. Amah in mi sawlin hante sung panin a guhte lasak a, hih thute a genkhol Pasian’ mipa in a gen Topa’ thugen tawh kizui-in biakna tau tungah tuate halin a susia hi.

Gamlak-vakna 35:33

Na tenna uh leitang na ninsak kei ding uh hi; bang hang hiam cih leh mi thahna in leitang ninsak a, a that mipa a kithah kei buang leh, tua mi kithahna leitang siansak nading thudang om thei lo hi.

2 KHANG TANGTHU NIHNATE 34:33

Tua ciangin Josiah in Israel mite’ neihsa gam sung khempeuh panin a kihhuaite khempeuh lakhia a, Israel sunga om mi khempeuh Topa amaute’ Pasian’ na a semsak hi. Ama nuntak sung khempeuh amau’ pute pate’ Pasian ahi Topa zuihna panin amaute kiheikhia lo uh hi.