2 KHANG TANGTHU NIHNATE 34:4 - Tedim Bible

⁴ Tua ciangin amah in Baal-te’ biakna taute ama muhna-ah supaisak hi. Tua ciangin amah in tuate tungah a om paknamtui biakna taute phuk a, Asherah milimte, le a kiseek le a kisung milimte sukhamin gawivui a, tuate’ tungah biakna a pia mite’ han tungah tua a vuite a theh hi.

Tedim Bible Revision 2017

⁴ Tua ciangin amah in Baal-teʼ biakna taute ama muhna ah su paisak hi. Tua ciangin amah in tuate tungah a om paknamtui biakna taute phuk a, Asherah milimte le a kiseek le a kisung milimte sukhamin gawivui a, tuateʼ tungah biakna a pia miteʼ han tungah tua a vuite a theh hi.

2 KHANG TANGTHU NIHNATE 34:4 Referans Kwoze

Paikhiatna 32:20

Amah in amaute’ bawlsa bawngno la-in mei tawh hal a, gawivui-in tui tungah theh a, Israel mite a tui dawnsak hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, note’ milim’ siluang hawmte tungah na luanghawmte uh ka pai ding a, keimah in note kong kih ding hi.

Isaiah 27:9

Israel in suang tawh a kibawl biakna tau khempeuh suangkang satvui a batsak ciangin Asherah milimte le paknamtui taute a dinglai om nawn lo hi. Hih thu hangin Jakob’ mawhna kimaisakin a mawhna kilakkhiatsak hi.

Late 18:42

Huihpi mai-ah leivui bangin amaute ka satvui a, kongzing buante bangin amaute ka lawnkhia hi.

2 KHANG TANGTHU NIHNATE 34:7

amah in biakna taute sukhamin Asherah milimte le milim dangte satvui a, Israel gam sung khempeuhah paknamtui biakna taute a satvui hi. Tua ciangin Jerusalem-ah a ciahkik hi.

2 KHANG TANGTHU NIHNATE 33:3

Bang hang hiam cih leh a pa Hezekiah in a suksiatsa mual dawna biakpiaknate amah in lamkikin, Baal-te a dingin biakna taute phut a, Asherah milimte bawlin vantung nate khempeuh bia a, tuate’ na sem hi.

2 KHANG TANGTHU NIHNATE 14:5

Amah in Judah khuapi khempeuh panin mual dawna biakpiakna munte le paknamtui biakna taute zong lakhia hi. Tua ciangin ama khutnuai-ah kumpi gam sung gal dai hi.

Thu-hilhkikna 9:21

Tua ciangin note’ khialhna, na bawlsa uh bawngno, mei tawh halin sukhamin, leivui bangin a neel dongin ka gawizan hi. Tua ciangin mualtung panin a hong luangsuk lui sungah a vuite ka lawn hi.

Thu-hilhkikna 7:25

A kiseek amau’ pasian milimte mei tawh na hal ding uh hi. Tua nate-ah na awk khak loh nadingun amaute’ tunga a om kham le ngun deihgawh loin, note a dingin na la kei ding uh hi. Bang hang hiam cih leh tua pen Topa na Pasian uh tungah a kihhuai ahi hi.

Thu-hilhkikna 7:5

Amaute tungah hih bangin note na gamta ding uh hi: A biakna taute uh phelsakin, a biakna songte uh dengzanin, amau’ Asherah milimte phuksakin, a kiseek a milimte uh mei tawh na hal ding uh hi.

Paikhiatna 23:24

amau’ pasian-te’ mai-ah note kun loin, tuate bia loin, amau’ gamtat bangin na gamta kei ding uh a, note in amaute lawnthal mang kiuhkeuhin amau’ milim suang khuampite na satnen gawp ding uh hi.

Paikhiatna 34:13

Nangmah in amau’ biakna taute phelin, amau’ biakna khuamte kuaitanin, amau’ Asherah milimte na phukpai ding hi.

2 KHANG TANGTHU NIHNATE 33:22

A pa Manasseh’ gamtatnasa khempeuh bangin Topa’ muhna-ah amah a sia gamta hi. Amon in a pa Manasseh’ bawlsa milim khempeuh tungah biakna pia a, tuate’ na sem hi.

Micah 1:5

Pasian’ tungah Israel-te’ mawhna le a khialhnate uh hangin hih thute khempeuh a piang ahi hi. Israel-te’ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

1 KUMPI MASATE 13:2

Tua ciangin Topa’ sawlna bangin biakna tau langpangin mipa kiko a, “Biakna tau, biakna tau aw, Topa in hih bangin ci hi: ‘En in, Josiah min nei tapa khat David’ suan sung pan hong piang ding hi. Amah in nangma tungah paknamtui a hal mualtung a biakna a pia siampite nangma tungah biakna-in pia ding a, nangma tungah mihingte’ guhte kihal ding hi,’ ci hi,” a ci hi.

2 KHANG TANGTHU NIHNATE 30:14

Amaute nasem dingin kipanin Jerusalem-a biakna taute hemkhia uh a, paknamtui halna ding biakna taute khempeuh amaute in lakhia-in Kidron kuamah paai uh hi.

2 KHANG TANGTHU NIHNATE 31:1

Tu-in hihte khempeuh a man ciangin, tua lai-a a om Israel khempeuh Judah khuapite-ah pai-in biakna songte sat khamin Asherah milimte phukin, Judah le Benjamin sung, le Efraim le Manasseh sunga mual dawna biakpiaknate le biakna taute a suksiat khit mateng uh phelkek uh hi. Tua ciangin Israel mi khempeuh, a mi kimin amau’ inn omna a khuapi ciat uhah a ciah uh hi.

2 KHANG TANGTHU NIHNATE 34:33

Tua ciangin Josiah in Israel mite’ neihsa gam sung khempeuh panin a kihhuaite khempeuh lakhia a, Israel sunga om mi khempeuh Topa amaute’ Pasian’ na a semsak hi. Ama nuntak sung khempeuh amau’ pute pate’ Pasian ahi Topa zuihna panin amaute kiheikhia lo uh hi.