2 KHANG TANGTHU NIHNATE 33:4 - Tedim Bible

⁴ Topa in, “Jerusalem-ah ka min om tawntung ding hi,” a cihna Topa’ biakinn sungah amah in biakna taute a lam hi.

Tedim Bible Revision 2017

⁴ Topa in, “Jerusalem ah ka min om tawntung ding hi,” a cihna Topaʼ biakinn sungah amah in biakna taute a lam hi.

2 KHANG TANGTHU NIHNATE 33:4 Referans Kwoze

2 KHANG TANGTHU NIHNATE 7:16

Bang hang hiam cih leh a tawntungin ka min a om theih nadingin keimah in hih biakinn teelin ka ap khin a, ka mit tawh enin ka lungsim a tawntungin tua lai-ah om ding hi.

1 KUMPI MASATE 8:29

‘Tua lai-ah ka min om ding hi,’ na cihna mun hih biakinn lamah sun le zanin na mit hak inla, na nasempa in hih mun lamah a thungetna hong za in.

Thu-hilhkikna 12:11

Topa na Pasian un ama min om nading munin a teelna munah note kong sawl khempeuh na paipih ding uh hi. Na meihal biaknate uh le na biakpiaknate uh, note in na piak uh sawm-ah-khat le na piak thuahte uh le Topa’ tungah na ciam uh na thuciam piaknate uh na paipih ding uh hi.

Jeremiah 7:30

“Bang hang hiam cih leh, Topa in kong cihin-ah, Judah mite in hoih ka sak loh nate a hih khinzo uh hi. Ka min tawh a kilo ka biakinn a nitsak nadingun a kihhuai milimte a koih uh hi.

2 KHANG TANGTHU NIHNATE 33:15

Tua ciangin amah in Topa’ biakinn panin gamdang pasian-te le a milim lakhia a, Topa’ biakinn mualtung le Jerusalem-a ama lamsa biakna tau khempeuh lakhia-in, khuapi pualamah tuate paai hi.

2 KHANG TANGTHU NIHNATE 32:19

Amaute in, mite’ khut tawh a kibawl leitung mite’ pasian-te a gen bang lelun Jerusalem Pasian a gen uh hi.

1 KUMPI MASATE 9:3

Topa in ama kiangah, “Keima mai-ah na hihsa na thungetna le na thumnate ka za khin hi. Na lamsa hih biakinn ka ap khin hi. A tawntungin tua biakinn sungah kei hong kibia ding a, a tawntungin tua biakinn ka hu ding hi.

2 SAMUEL NIHNA 7:13

Amah in keima min dingin biakinn khat lam ding a, keimah in ama kumpi gam tokhom a tawntungin ka kipsak ding hi.

2 KHANG TANGTHU NIHNATE 28:24

Tua ciangin Ahaz in Pasian’ biakinn-a umlebeelte khawmin satnen a, tua ciangin Topa’ biakinn kongkhakte a kalhcip hi. Tua ciangin ama a dingin Jerusalem kiu khempeuhah biakna tau a bawl hi.

2 KHANG TANGTHU NIHNATE 33:7

Tua ciangin Pasian in David le a tapa Solomon tungah, “Amaute ka thupiak khempeuh, thukham khempeuh, ngeinate, le Moses tungtawnin a kipia biakna ngeina kipte zuih ding a kidop nak-uhleh, Israel minam khempeuh sung panin ka teelkhiat hih biakinn sung le Jerusalem sungah ka min ka koih tawntung ding hi. Tua ciangin na pu na pate uh a dingin ka sehsa gam panin Israel-te ka khinkhia nawn kei ding hi,” a cih Pasian’ biakinn sungah amah in ama bawlsa milim koih hi.

2 KHANG TANGTHU NIHNATE 34:11

Amaute in a kito suangte leina ding, le Judah kumpite in a siatsak, tep nadingin singte le biakinn lam nadingin innkamte leina dingin khutsiamte le innlamte tungah a sumte a pia uh hi.

2 KUMPI NIHNATE 16:11

Tua ciangin siampi Urijah in biakna tau bawl hi. Damaskas panin Kumpi Ahaz hong tun ma-in Kumpi Ahaz in Damaskas panin a khakna tawh kizui-in siampi Urijah in na bawl hi.

2 KUMPI NIHNATE 16:16

Kumpi Ahaz’ thupiak bangin siampi Urijah in hih thu khempeuh a hih hi.