2 KHANG TANGTHU NIHNATE 32:8 - Tedim Bible

⁸ Amah in mihing thahatna nei a, ahih hangin eite hong huhin i gal hong dosak dingin Topa i Pasian in eite hong ompih hi,” a ci hi. Tua ahih ciangin mite in Judah kumpipa Hezekiah’ kammalte a muang uh hi.

Tedim Bible Revision 2017

⁸ Amah in mihing thahatna nei a, ahih hangin eite hong huhin i gal hong dosak dingin Topa i Pasian in eite hong ompih hi,” a ci hi. Tua ahih ciangin mite in Judah kumpipa Hezekiahʼ kammalte a muang uh hi.

2 KHANG TANGTHU NIHNATE 32:8 Referans Kwoze

Jeremiah 17:5

Topa in kong cihin-ah: “Mi bek muangin mi’ hatna bek suang a, Topa tawh a lungsim a kilehngat mi in hamsiatna a ngah ahi hi.

2 KHANG TANGTHU NIHNATE 20:17

Note in hih kidona-ah na do ding uh kisam lo hi. Judah gam mite le Jerusalem khuamite aw, na panmun uh la-in taang loin ding unla, note’ tangin Topa’ gualzawhna mu un,’ ci hi. Kihta kei unla, lungkia kei un. Zing ciangin amaute a do-in pai un. Topa in note hong ompih ding hi,” a ci hi.

2 KHANG TANGTHU NIHNATE 20:15

Tua ciangin amah in, “Judah gam khempeuh le Jerusalem-a teng khempeuh, le Kumpi Jehoshafat aw, ngai un. Topa in hih bangin note’ tungah hong gen hi: ‘Kihta kei unla, hih a tam mi honpi hangin lungkia kei un; bang hang hiam cih leh galdona pen note a’ hi loin Pasian-a’ ahi hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Sawltak 18:10

Hih khua sungah keima mi tampi om a, nang hong ompih ka hih manin kuamah in nang bangmah hong cih lo ding hi,” a ci hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong thakhauhsakin ka hong huh ding a, nang hong huhin ka hong honkhia ding hi.

1 JOHAN MASA 4:4

Ka it tate aw, note, Pasian’ mite na hi uh a, tua bang kamsang kineihkhemte a zokhin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

Late 46:11

Vanglian Topa, eite tawh hong omkhawm a, Jakob’ Pasian, eima belh ahi hi.

2 KHANG TANGTHU NIHNATE 13:12

En un, kote’ lutangin kote tawh Pasian hong omkhawm a, note a do ding sapna peengkul a tum dingin a siampite a galkap peengkulte uh tawh hong om uh hi. Israel mite aw, na pu na pate uh Pasian, Topa do kei un; bang hang hiam na cih uhleh na tangtung kei ding uh hi,” a ci hi.

Thu-hilhkikna 20:4

Bang hang hiam cih leh note tungah gualzawhna a hong pia ding, na langte uh hong dosak dingin note tawh hong kuan khawm pa pen Topa na Pasian uh ahi hi,’ ci ding hi.

Paunak 12:25

Lunghihmawhna in lungkhamna piangsak a, kampau hoih in mi lungdamsak hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a tengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.

2 KHANG TANGTHU NIHNATE 14:11

Tua ciangin Topa Pasian’ tungah Asa kiko a, “Topa aw, a thahat le a zawngkhal a kidona-ah a huh dingin nang tawh a kibang kuamah dang om lo hi. Kote hong huh in, Topa kote’ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, kote’ Pasian na hi hi; mite kizosak kei in,” a ci hi.

Thu-hilhkikna 20:1

“Na langte uh a do dingin pai-in a sakolte, a leengte, le a galkapte uh nomau-a’ sangin a tamzaw-in na muh uh hangin amaute na kihta tuan kei ding uh hi. Bang hang hiam cih leh Egypt gam panin note a hong paikhiatpih Topa na Pasian uh note tawh hong om hi.

Isaiah 36:18

Hezekiah in, “Topa in eite hong honkhia ding hi,” ci-in lam hong khialsak kha ding ahih ciangin kidawm un. Assiria kumpipa’ khutsung panin minam dangte’ pasian khatpeuh in ama gam honkhiazo ngei ahi hiam?

Isaiah 8:10

Note kikhawmin thu na vaihawm uh hangin a mawkna suak ding a, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong omkhawm hi.

Late 46:7

Vanglian Topa eite tawh hong omkhawm a, Jakob Pasian eima belh ahi hi.

JOB (Job) 40:9

Kei zahin nang hat na hi hiam? Kei’ awging zahin nang a’ gingzo ding ahi hiam?

2 TIMOTI NIHNA 4:22

Topa in nangmah hong ompih tahen. Note khempeuh tungah Pasian’ hehpihna thupha hong tung tahen.

2 KHANG TANGTHU NIHNATE 32:15

Tua ahih ciangin tu-in note, Hezekiah’ khemsa-in ta kei unla, hih bangin kimakai khialsak kei un. Amah um kei un; bang hang hiam cih leh minam khatpeuh, kumpi gam khatpeuh’ pasian in keima khut pan ahi a, ka pu ka pate’ khutsung pan ahi zongin a mite honkhiazo ngei nai lo hi. Keima khutsung pan na Pasian un note hong honkhia zo lo zaw kan ding hi,’ ci un,” a cisak hi.

Joshua 10:42

Israel-te’ Topa Pasian in Israel-te a dingin dosak ahih manin Joshua in hih kumpite khempeuh le amau’ leitang hun khat sungin a la khin hi.

1 SAMUEL MASA 17:45

Tua ciangin David in Filistia-pa kiangah, “Namsau, teipi, le teikhawh tawh kei kiangah nang nong kuan hi. Ahih hangin kei pen Israel galkapte’ Pasian, a Vanglian Topa, nangmah in na to mipa’ min tawh nang kiangah kong kuan hi.

2 KUMPI NIHNATE 6:16

Amah in, “Kihta kei in; bang hang hiam cih leh amaute tawh a omte sangin eite tawh a omte tamzaw hi,” a ci hi.

1 KHANG TANGTHU MASATE 5:22

Tua gal pen Pasian’ gal ahih manin mi tampi tak kithatin puk hi. Tua ciangin amaute sal a suah hun dong uh tua munah teng uh hi.

2 KHANG TANGTHU NIHNATE 16:7

Tua hun laitakin Judah kumpi Asa kiangah thumu pa Hanani hong pai-in ama kiangah, “Nangmah in Syria kumpipa suangin, Topa na Pasian suang lo na hih manin, Syria kumpipa’ galkapte in nang hong suaktasak hi.

Late 20:7

Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in Topa i Pasian’ min bek i kihihsakpih hi.

Late 118:8

Mi i muan sangin Topa belh ding hoihzaw hi.

Jeremiah 42:11

Na kihtak uh Babylon kumpipa kihta nawn kei un. Topa in kong cihin-ah, lau nawn kei un. Bang hang hiam cih leh ama khutsung pan a hong honkhia ding le a hong lakhia dingin keimah in note kong ompih hi.

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tunzo ding hi.

Paikhiatna 4:31

Mite in um uh hi. Israel mite kiangah Topa hawhin, amau’ thuaknate amah in a muh khitna thu amaute in a zak uh ciangin, amaute in a lu uh kunin Pasian a bia uh hi.

Thu-hilhkikna 20:3

amaute kiangah, ‘Israel-te aw, za un. Tuni-in na langte uh a do dingin na nai uh hi. Na lungsim uh lausak kei un. Lau kei un, ling kei un, amaute kihta kei un.

2 KUMPI NIHNATE 18:5

Amah in Israel Pasian, Topa muang hi. Tua ahih ciangin ama nunga Judah kumpite khempeuh lak hitaleh ama mai-ate lak hitaleh ah amah tawh a kibang kuamah dang om lo hi.

2 KHANG TANGTHU NIHNATE 14:10

Tua ciangin amah a dawntuah dingin Asa kuankhia a, Zefathah le Mareshah kuamah galdona ding panna a bawl uh hi.

Isaiah 30:32

Topa in amaute gim pia-in ciang tawh a satna a gingte tawh kituakin khuang le laiza lasaknate tumin na gingsak ding uh hi. Amah in a khut vikin amaute a do ding hi.

Isaiah 31:3

Egypt mite mihing hi a, Pasian hi lo hi. Amau’ sakolte sa hi a, kha hi lo hi. Topa in a khut a zan ciangin a huhpa pukin, huhna a ngah pa tuk ding a, amaute khempeuh siakhawm ding uh hi.