2 KHANG TANGTHU NIHNATE 32:30 - Tedim Bible

³⁰ Hih Hezekiah mah in Gihon tui tungnungte khaktanin David khuapi nitumna lampangah luangsak hi. Hezekiah a nasepna khempeuhah a maa vang hi.

Tedim Bible Revision 2017

³⁰ Hih Hezekiah mah in Gihon tui tungnungte khaktanin David khuapi nitumna lam pangah luangsak hi. Hezekiah a nasepna khempeuh ah a maa vang hi.

2 KHANG TANGTHU NIHNATE 32:30 Referans Kwoze

1 KUMPI MASATE 1:33

Kumpipa in amaute kiangah, “Na topa’ nasemte paipih unla, ka tapa Solomon keima la-sakol tungah tuangsakin Gihon-ah paipihsuk un.

2 KHANG TANGTHU NIHNATE 32:4

Mi tampi tak kikhawm uh a, gam sungah a luang tuinak le lui khempeuh khakcipin, “Bang hangin Assiria kumpite hong pai-in tui tampi mu ding ahi uh hiam?” a ci uh hi.

2 KUMPI NIHNATE 20:20

Hezekiah’ sepna a omlaite, a vangliatna, le tuili le tuilakna bawlin khuapi sungah tui a tutna, Judah Kumpite’ Khang Tangthu Laibu sungah kigelh hi.

1 KUMPI MASATE 1:45

Siampi Zadok le kamsang Nathan in Gihon-ah kumpi-in amah sathau nilh khin uh hi. Tua lai panin amaute lungdamin ciahkhin uh ahih manin khuapi sung gamlum hi. Nangma zak pen hih gamlumna ahi hi.

1 KUMPI MASATE 1:38

Tua ahih ciangin Zadok, kamsang Nathan, Jehoiada’ tapa Benaiah, le Khereth mite le Peleth mite paisukin Kumpi David’ la-sakol tungah Solomon tuangsak uh a, Gihon-ah amah paipih uh hi.

2 KHANG TANGTHU NIHNATE 26:5

Pasian zahtak ding ama tungah a hilh Zekhariah’ hun sungteng amah in Pasian zong hi. Amah in Topa a zon laiteng, Pasian in amah daupaisak hi.

2 KHANG TANGTHU NIHNATE 32:3

amah in a uliante le a mi thahatte tawh khuapi pualamah a luangkhia tuinakte khakcip ding vaihawm a, amaute in amah a huh uh hi.

2 KHANG TANGTHU NIHNATE 33:14

Tua khit ciangin amah in kuam sung, Gihon nitumna lam, David khuapi-ah, Ngasa Kongpi lutna lamah kulh puanung khat ciang a, Ofel kiimah ciang suakin a sang mahmahin ciangto hi. Amah in Judah gam sunga kulhnei khuapi khempeuhah zong galkap a ukte koih hi.