2 KHANG TANGTHU NIHNATE 32:19 - Tedim Bible

¹⁹ Amaute in, mite’ khut tawh a kibawl leitung mite’ pasian-te a gen bang lelun Jerusalem Pasian a gen uh hi.

Tedim Bible Revision 2017

¹⁹ Amaute in, miteʼ khut tawh a kibawl leitung miteʼ pasian-te a gen bang lelun Jerusalem Pasian a gen uh hi.

2 KHANG TANGTHU NIHNATE 32:19 Referans Kwoze

Isaiah 2:8

Amau’ gam sung milimte tawh kidim a, amau’ khut tawh a bawlsate uh amaute in a bia uh hi.

2 KUMPI NIHNATE 19:18

a pasian-te uh meikhuk sungah lotsak uh hi. Bang hang hiam cih leh tuate pasian hi loin, mihingte’ khut tawh a kibawl sing le suang ahi hi. Tua ahih manin tuate kisusia hi.

Hebru 12:22

Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

Jeremiah 32:30

Bang hang hiam cih leh Israel mite le Judah mite in a neulai pek uh a kipan ka muhna-ah a sia bekbek a gamta uh hi. Keimah Topa in kong cihin-ah, Israel mite in a khut uh tawh milim a bawlna uh hangin kei hong hehsak uh hi.

Jeremiah 10:9

Tarshish khua panin ngun seksa va la uh a, Ufaz khua panin kham va la uh hi. Khutsiamte le kham seekte in milimin bawl uh a, siamgat siamte’ gat ahi, puan engdup le puan sandup tawh a zem uh hi.

Jeremiah 10:3

Hih mite’ ngeinate a kimanna om lo hi. Gamlakah sing khat kiphuk a, khutsiampa in a hei tawh milimin a bawl hi.

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte tungah meihal biakna pia uh a, a khut uh tawh a bawlsa uh milimte a bia uh hi.

Isaiah 37:19

amaute’ pasian-te pen meikhuk sungah paihsak khin hi. Bang hang hiam cih leh tuate pen pasian hi loin mite’ khut tawh a kibawl sing le suangte ahi uh hi. Tua ahih ciangin tuate kisusia hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Late 78:68

Ahih hangin ama it Zion Mual, Judah minam a teel hi.

1 SAMUEL MASA 17:36

Na nasempa in humpinelkai le vomte that khin ngei hi. Amah in a nungta Pasian’ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

Thu-hilhkikna 27:15

“‘Topa a dingin a kihhuai ahi, khutsiampa’ khut tawh a kibawl, a kiseek ahi a, a kisung ahi zongin milim bawlin, mun simthamah a koih mipa in gimna ngah ta hen,’ ci ding uh hi. Tua ciangin mi khempeuh in dawngin, ‘Amen,’ ci ding uh hi.

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing le suang pasian-te’ na na sem ding uh hi.

2 KHANG TANGTHU NIHNATE 32:20

Tua ciangin kumpipa Hezekiah le Amoz’ tapa, kamsang Isaiah in hih thu hangin thu ngenin vantung lamah kiko uh hi.

1 KUMPI MASATE 20:28

Tua ciangin Pasian’ mi khat a nai-ah hong pai-in Israel kumpipa kiangah, “Topa in hih bangin ci hi: ‘Syria-te in, “Topa pen mualtung pasian hi a, amah pen kuamsung pasian hi lo hi,” ci uh ahih manin hih a lian mihonpi khempeuh nangma khut sungah kong pia ding a, keimah, Topa ka hihna na thei ding hi,’ ci hi,” a ci hi.

Late 74:18

Topa aw, galte in nang hong thusim lohna le, dawibia mite in nangma min a hong simmawhna hong phawk ta in.

Ezekiel 25:8

Topa Pasian in kei kiangah thu hong gen a, “Moab mite in a thugenna uhah, Judah gammite pen minam dangte bangmah hi lel uh hi, ci se uh hi.

Ezekiel 35:13

Kei hong gensia-in na kiphatsak paunate khempeuh a vekin ka za khin hi.