2 KHANG TANGTHU NIHNATE 32:11 - Tedim Bible

¹¹ Hezekiah in note kiangah, “Assiria kumpipa’ khut panin Topa i Pasian in eite hong honkhia ding hi,” hong cih ciangin, note gilkial dangtakin a hong sisak dingin amah in note hong makai khial hi lo ahi hiam?

Tedim Bible Revision 2017

¹¹ Hezekiah in note kiangah, “Assiria kumpipaʼ khut panin Topa i Pasian in eite hong hon khia ding hi,” hong cih ciangin, note gilkial dangtakin a hong sisak dingin amah in note hong makai khial hi lo ahi hiam?

2 KHANG TANGTHU NIHNATE 32:11 Referans Kwoze

Mattiu 27:43

Amah in, ‘Kei, Pasian’ Tapa ka hi hi,’ ci ahih manin, amah in Pasian muanin a nei hi. Pasian in a hotnop leh tu-in honkhia ta hen,” a ci uh hi.

Isaiah 36:18

Hezekiah in, “Topa in eite hong honkhia ding hi,” ci-in lam hong khialsak kha ding ahih ciangin kidawm un. Assiria kumpipa’ khutsung panin minam dangte’ pasian khatpeuh in ama gam honkhiazo ngei ahi hiam?

Isaiah 36:12

Ahih hangin a ulianpa in, “Hih thute na topa uh le note’ tung bekah gen ding a, amau’ ek mah ne-in amau’ zun mah dawnin note tawh a siakhawm ding kulh tunga a tu mite tungah a gen lo dingin ka topa in hong sawl sa na hi uh hiam?” a ci hi.

Late 71:11

“Pasian in amah nusiazo a, amah a hon ding kuamah om lo ahih manin, amah delhin man ni,” kici uh hi.

Late 42:10

Ka langte in kei tungah, “Na Pasian koi-ah om ahi hiam?” hong cihcih sungteng, ka sungah meima nai tawm bangin hong tum ngangngang hi.

Late 22:8

“Topa’ tungah amah in ama thu ap hi. Amah kihonkhia sak un; amah deih ahih manin honkhia ta hen!” hong cihsan uh hi.

Late 3:2

Pasian in amah huh lo ding, mi tampi in hong ci uh hi.

2 KHANG TANGTHU NIHNATE 32:15

Tua ahih ciangin tu-in note, Hezekiah’ khemsa-in ta kei unla, hih bangin kimakai khialsak kei un. Amah um kei un; bang hang hiam cih leh minam khatpeuh, kumpi gam khatpeuh’ pasian in keima khut pan ahi a, ka pu ka pate’ khutsung pan ahi zongin a mite honkhiazo ngei nai lo hi. Keima khutsung pan na Pasian un note hong honkhia zo lo zaw kan ding hi,’ ci un,” a cisak hi.

2 KUMPI NIHNATE 19:10

“Judah kumpi Hezekiah kiangah hih bangin gen un: ‘Assiria kumpipa’ khut sungah Jerusalem kipia lo ding hi, ci-a a hong ciamna tawh na suan na Pasian’ khemsa-in om kei in.

2 KUMPI NIHNATE 18:30

Topa in eite hong honkhia taktak ding a, Assiria kumpipa’ khut sungah hih khuapi kipia lo ding hi, ci-a Hezekiah’ hong genna tawh Topa suang kei un,’ ci hi.

2 KUMPI NIHNATE 18:27

Ahih hangin a ulianpa in amaute kiangah, “Ka topa in hih thute na topa uh le note tung bekah a gen dingin hong sawlin, amau’ ek mah ne-in, amau’ zun mah dawnin note tawh a siakhawm ding kulh tunga tu mite kiangah a gen lo dingin hong sawl ahi hiam?” a ci hi.

2 KHANG TANGTHU NIHNATE 32:10

“Assiria kumpipa Sennakherib in hih bangin ci hi: ‘Note in Jerusalem umcihna na nanna ding uh bang suang na hi uh hiam?

2 KHANG TANGTHU NIHNATE 32:12

Hih Hezekiah mah in mual dawna a biakpiaknate le ama biakna taute lakhia-in Judah le Jerusalem thu pia a, “Biakna tau khat mai-ah note in bia-in tua tungah na biakpiaknate uh na hal ding uh hi,” ci hi lo ahi hiam?