2 KHANG TANGTHU NIHNATE 32:1 - Tedim Bible

¹ Hih thute khempeuh le citak a hih banga na a kisep khit ciangin Assiria kumpipa Sennakherib hong pai-in Judah simin kulhnei khuapite’ langkhatah phual sat a, ama a dingin lak a sawm hi.

Tedim Bible Revision 2017

¹ Hih thute khempeuh le citak a hih banga na a kisep khit ciangin Assiria kumpipa Sennakherib hong pai-in Judah simin kulh nei khuapiteʼ lang khat ah phual sat a, ama adingin lak a sawm hi.

2 KHANG TANGTHU NIHNATE 32:1 Referans Kwoze

Micah 2:13

Pasian in note a’ ding lampi hong honsakin hong paikhiatpih ding hi. Salsuahna khuapikulh panin paikhia-in na suakta ding uh hi. Kumpi ahi Topa mahmah in note hong makai ding hi.

Hosea 11:5

Tua bang hinapi, kei lamah amaute hong kihei nuam lo uh ahih manin Egypt gamah paikik ding uh a, Assiria mite, amau’ kumpi hi ding hi.

Isaiah 36:1

Kumpi Hezekiah in a uk zawh kum sawmli le ngana kumin Assiria kumpipa Sennakherib in Judah gam sunga khuapi muanhuai khempeuh simin a la hi.

2 KUMPI NIHNATE 18:11

Assiria kumpipa in Israel mite Assiria-ah la a, Halah gam sung, Gozan gam a om Habor gun gei, le Media khuapite sungah a koih hi.

2 KUMPI NIHNATE 17:6

Hoshea’ kum kuana kumin Assiria kumpipa in Samaria la a, amah in Assiria-ah Israel mite ciahpihin Halah gam sung, Gozan gam a om Habor gun gei, le Media khuapite sungah amaute a koih hi.

2 KUMPI NIHNATE 15:19

Assiria kumpi Tiglathpileser tua gam a sim dingin kuanto hi. Tua ciangin ama kumpi aana a kipna ding a huh ding a deihna-in Menahem in Tiglathpileser tungah ngun talen tulkhat a pia hi.

2 KHANG TANGTHU NIHNATE 32:2

Sennakherib hong pai-in Jerusalem sim ding a sawmna thu Hezekiah in a theih ciangin,

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khutsung panin kote hong honkhia in, kong thum hi, Topa aw,” a ci hi.

2 KHANG TANGTHU NIHNATE 35:20

Hih thute khempeuh khit, Josiah in biakinn a bawl khit ciangin, Eufratis gun gei Karkhemish-ah galsim dingin Egypt kumpipa Neko hong kuanto a, amah a do dingin Josiah a kuankhia hi.

Isaiah 10:32

Tuni mahmahin Nob khua-ah galte tungin khawl uh a, Zion Mual ahi Jerusalem khuapi a khuttum uh sinsan uh hi.

Isaiah 37:37

Tua ciangin Assiria kumpipa Sennakherib taikhia a, a inn-ah ciahin Nineveh khua-ah a teng hi.