2 KHANG TANGTHU NIHNATE 31:3 - Tedim Bible

³ Kumpipa in ama neihsa sung panin a piakte pen meihal biakna ding ahi hi. Topa’ thukham sungah a kigelh mah bangin zing le nitak a meihal biaknate, Sabbath nite, Khadet nite, le a kiseh pawite a dingin meihal biaknate ahi hi.

Tedim Bible Revision 2017

³ Kumpipa in ama neihsa sung panin a piakte pen meihal biak nading ahi hi. Topaʼ thukham sungah a kigelh mah bangin zing le nitak a meihal biaknate, Sabbath nite, Khadet nite le a kiseh pawite adingin meihal biaknate ahi hi.

2 KHANG TANGTHU NIHNATE 31:3 Referans Kwoze

Ezekiel 45:17

Gam uk ulianpa in biakna-in piak ding ganhingte, an tawh biakna-in zat dingte, le pawi khempeuh, Khadet ni, Sabbath nite-in Israel mibuppite a dingin tuiphih biaknate a piak ding ama nasep ahi hi. Israel mite’ mawhna a maitheih nadingin mawhna hanga biakna, an tawh biakna, meihal biakna, le thunuama biakpiakna-in a zat dingte khempeuh amah in a si ding ahi hi.

2 KHANG TANGTHU NIHNATE 35:7

Tua ciangin Josiah in tua lai-a a om mi khempeuhte a dingin Paisan Pawi piakna-in a ganhon panin mi nautangte tungah tuunote le keelnote tul sawmthum ciang dong, le bawngtal tulthum a pia hi. Hihte pen kumpipa’ neihsa sung pan a kipia ahi hi.

2 KHANG TANGTHU NIHNATE 30:24

Bang hang hiam cih leh Judah kumpipa Hezekiah in biakpiak nadingin a kikhawmte tungah bawngtal tulkhat le tuu tulsagih pia a, uliante in a kikhawmte tungah bawngtal tulkhat le tuu tul sawm pia uh hi. Siampite tampi tak amau mah kisiansuah uh hi.

1 KHANG TANGTHU MASATE 26:26

Hih Shelomith le a sanggamte in, Kumpi David, beh lutangte, le a tultul le a zaza-a uk uliante, le galkap a ukte in a ap uh ahi, a ki-ap letsongte a kikoihna khempeuh uk uh hi.

Gamlak-vakna 28:1

Topa in Moses kiangah,

Gamlak-vakna 29:29

“A ni guk ni-in bawngtal giat, tuutal nih, le kum khat a pha tuuno a pa sawm le li, a vekpi-in a sitbaang lo,