2 KHANG TANGTHU NIHNATE 30:16 - Tedim Bible

¹⁶ Pasian’ mipa Moses’ thukham bangin amaute in amau’ panmun ngei hong la uh a, siampite in Levi mite’ khut tung panin a ngah uh sisan theh uh hi.

Tedim Bible Revision 2017

¹⁶ Pasianʼ mipa Mosesʼ thukham bangin amaute in amauʼ panmun ngei hong la uh a, siampite in Levi miteʼ khut tung panin a ngah uh sisan theh uh hi.

2 KHANG TANGTHU NIHNATE 30:16 Referans Kwoze

2 KHANG TANGTHU NIHNATE 35:15

David’ thupiak bangin Asaf’ behte ahi lasate, le Asaf, le Heman, le kumpipa’ thumu pa Jeduthun-te amau’ munah om uh hi. Kulhkongpi cingte a kulhkongpi ciatah om uh a, amau’ sanggam Levi mite in amau a dingin sa bawlsak uh ahih manin amau’ nasepna pan amaute a paikhiat ding uh kisam lo hi.

Thu-hilhkikna 33:1

Hih pen, Pasian’ mi Moses in ama sih ma-in Israel mite thupha a piakna ahi hi.

Hebru 11:28

Mi That Vantungmi in Israel mite ta upa pen khempeuh a thahkhak loh nadingin Paisan Pawi kipiangsakin, inntual kongtungzawl khempeuh sisan a kizutna zong upna hang mah ahi hi.

2 KUMPI NIHNATE 11:14

Amah a khuadak ciangin a ngeina ding bangin biakna song gei-ah kumpi thak pa dingin, kumpipa gei-ah a ukte le peengkul tumte om a, tua gammi khempeuh in lungdamin peengkul na tum uh hi. Tua ciangin Athaliah in a puante balkekin kiko a, “Sawmsimna! Sawmsimna!” a ci hi.

Siampi Laibu 1:5

Tua ciangin amah in Topa’ mai-ah a bawngtal go ding hi. Aaron’ suan siampite in a si hong paipihin, kikhopna buk kong-a biakna tau kimkotah a si theh ding hi.

2 KHANG TANGTHU NIHNATE 34:31

Tua ciangin kumpipa ama munah dingin, hih laibu sungah a kigelh thuciamna kammalte a sem dingin a lungsim khempeuh le a nuntakna khempeuh tawh Topa’ nung a zuihna ding le ama thupiaknate, ama tecipannate, le a thukhamte a zuihna ding, Topa’ mai-ah thuciamna khat a bawl hi.

1 KHANG TANGTHU MASATE 23:14

Ahih hangin Pasian’ mipa Moses’ tapate ahihleh Levi minamte lakah kisim hi.