2 KHANG TANGTHU NIHNATE 30:10 - Tedim Bible

¹⁰ Tua ahih ciangin Efraim le Manasseh gam sung khuapi khat pan khuapi khat, le Zebulun ciang dongah laitaite a pai uh hi. Ahih hangin amaute in na nuihsanin zahpih uh a, na simmawh bawl uh hi.

Tedim Bible Revision 2017

¹⁰ Tua ahih ciangin Efraim le Manasseh gam sung khuapi khat pan khuapi khat le Zebulun ciang dongah laitaite a pai uh hi. Ahih hangin amaute in na nuihsanin zahpih uh a, na simmawh bawl uh hi.

2 KHANG TANGTHU NIHNATE 30:10 Referans Kwoze

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 30:6

Tua ahih ciangin kumpipa le a uliante kiang pana laikhakte tawh Israel khempeuh le Judah sungah laikhakte tawh pai uh a, kumpipa’ thupiakna: “Israel mite aw, Assiria kumpite’ khutsung panin a suakta, a omlai note’ lamah amah hong kiheikik theih nadingin Abraham, Isaac, le Israel Pasian, Topa’ lamah kiheikik un.

Hebru 11:36

Mi pawlkhat in simmawhna, satna, sikkol bulhna le thongkiatna zong a thuak uh hi.

Sawltak 17:32

Sihna panin thawhkikna thu Paul in a gen a zak uh ciangin mi pawlkhat in zahpihbawl uh a, ahi zongin mi pawlkhat in, “Hih thu khatvei zakik nuam lai ung,” a ci uh hi.

Luka 23:35

Jew mi upate in Jesuh zahko-in, “Amah in midangte honkhia hi. Pasian teelsa Khrih ahih takpi leh amah le amah kihonkhia ta hen,” ci-in a simmawhbawl laitakun tua lai-a ding mite in a enen uh hi.

Luka 16:14

Sum a deih phadiak Farisi mite in hih thute a zak uh ciangin Jesuh a nuihsan uh hi.

Luka 8:53

Amah a sihkhitna thei uh ahih manin Jesuh a nuihsan lel uh hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi. Ahi zongin Pasian in ka thungetna a hong piak hun om hi.

JOB (Job) 9:25

“Laitaite sangin ka hun nawhtai zaw a, beipak ahih manin nopna ngah kha lo hi.

Esther 8:14

Tua ahih ciangin kumpipa’ sakolte tungah laitaite tuangin kumpipa’ thu-kin sawl mah bangin nawhtai uh hi. Tua ciangin kumpi khua Susa khuapi sungah zong tua thupiakna lai a kihawm hi.

Esther 8:10

Tua lai pen Kumpipa Ahasueras’ minin kigelhin kumpipa’ min thuhna zungbuh mah tawh kithuh a, kumpi sakol bukah a kikhawi kumpipa’ sakolte tungah laitaite kituangsakin lai kihawmsak hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa le Haman zu ne-in om hithiat uh a, ahi zongin Susa khuapi sung buai mahmah hi.

Esther 3:13

Tua bangin kumpipa’ ukna gam khempeuhah laitaite kipiasak a, Adar kha ahi a kha sawm le nihna a ni sawm le thum ni, ni khat sungin Jew mi a moi a ham, numei naupang, a vekpi-in susia-in, thatin, a beisakmangna ding uh, le a neihsate uh a laksak nadingun thu kipia hi.

Nehemiah 2:19

Ahi zongin Horonaim khuami Sanballat, Ammon mi sal ahi Tobiah, le Arab gammi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

Piancilna 19:14

Tua ahih ciangin Lot paikhia-in a tanute a tenpih dingte kiangah, “Manlangin hih khua panin paikhia un. Bang hang hiam cih leh Topa in hih khuapi a susia ding hi ta hi,” a ci hi. Ahih hangin amah pen a mak dingte tungah a ciamnui bang lel hi.

2 KHANG TANGTHU NIHNATE 34:9

Siampi lianpen pa Hilkiah kiangah amaute hong pai uh a, kongcingte ahi Levi mite in Manasseh le Efraim, le Israel a omlaite khempeuh, le Judah le Benjamin khempeuh, le Jerusalem-a a teng mite tung panin a khop uh ahi, Pasian’ biakinn-ah a hong kipaipih sumte a pia uh hi.

Jeremiah 38:19

Kumpipa Zedekiah in kei kiangah, “Babylon mite’ kiangah a tai Judah mite ka kihta hi. Amaute’ khut sungah kei hong kipia leh amaute in kei hong bawlsia ding uh hi,” a hong ci hi.