2 KHANG TANGTHU NIHNATE 3:1 - Tedim Bible

¹ Tua ciangin Solomon in Jerusalem sung Moriah Mual tung, a pa David’ tungah Topa a kilahna mun, David in a sehnasa mun ahi, Jebus mi Ornan’ ancilna phualah Topa’ biakinn lam ding kipan hi.

Tedim Bible Revision 2017

¹ Tua ciangin Solomon in Jerusalem sung Moriah Mual tung, a pa Davidʼ tungah Topa a kilahna mun, David in a sehna sa mun ahi, Jebus mi Ornanʼ ancilna phualah Topaʼ biakinn lam ding kipan hi.

2 KHANG TANGTHU NIHNATE 3:1 Referans Kwoze

1 KHANG TANGTHU MASATE 21:18

Tua ciangin David paito-in Jebus mi Ornan’ ancilna phualah Topa a’ ding biakna tau khat a lamna ding a gen dingin Topa’ vantungmi in Gad sawl hi.

Piancilna 22:14

Tua ahih ciangin Abraham in tua mun pen, “Topa in hong sik hi,” ci-in min phuak a, tuni dongin Topa’ mual tungah hong kisik hi, a kici hi.

Piancilna 22:2

Amah in, “Na it, na tapa neihsun Isaac, la inla Moriah gamah pai in. Tua lai mun a nang kiangah kong gen ding mual khat tungah meihal biakpiakna-in amah hong pia in,” a ci hi.

1 KHANG TANGTHU MASATE 22:1

Tua ciangin David in, “Hih lai-ah Topa Pasian’ inn om ding a, hih lai-ah Israel mite’ meihal biakna tau om ding hi,” a ci hi.

Sawltak 7:47

Ahi zongin Pasian a dingin biakinn a lamsak pen David hi loin a tapa Solomon ahi hi.

1 KHANG TANGTHU MASATE 6:10

le a tapa Azariah, (Solomon in Jerusalem-ah a lam inn sungah siampi a sempa) ahi hi.

2 KHANG TANGTHU NIHNATE 3:2

Amah in ama uk a kum lina a kha nihna sungin lam ding kipan hi.

2 SAMUEL NIHNA 24:16

Vantung mi in Jerusalem khua a susia dingin kithawi-in a khut a zan ciangin tua tatsiatna panin Topa kisik a, mite lakah suksiatna na a sem vantungmi kiangah, “Phazo hi; tu-in khawl ta in,” a ci hi. Topa’ vantungmi pen Jebus mi Araunah’ ancilna gei-ah a om hi.