2 KHANG TANGTHU NIHNATE 29:3 - Tedim Bible

³ Ama uk a kum khatna, a kha masa sungin amah in Topa’ biakinn kongkhakte hongin tuate a puah hi.

Tedim Bible Revision 2017

³ Ama uk a kum khatna, a kha masa sungin amah in Topaʼ biakinn kongkhakte hongin tuate a puah hi.

2 KHANG TANGTHU NIHNATE 29:3 Referans Kwoze

2 KHANG TANGTHU NIHNATE 28:24

Tua ciangin Ahaz in Pasian’ biakinn-a umlebeelte khawmin satnen a, tua ciangin Topa’ biakinn kongkhakte a kalhcip hi. Tua ciangin ama a dingin Jerusalem kiu khempeuhah biakna tau a bawl hi.

2 KHANG TANGTHU NIHNATE 29:7

Amaute in innliim kongkhakte zong khakin meivakte sumit uh a, siangtho munah paknamtui halna le meihal biaknate Israel Pasian tungah bawl lo uh hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Thuhilh-sia 9:10

Na mai-ah sep ding a om khempeuh, na tha neihzah tawh sem in. Bang hang hiam cih leh na zuat ding sihna gam sungah nasepna le thungaihsutna, pilna le theihna cihte om lo hi.

Late 101:3

A sia na peuhmah ka deih kei ding hi. Lamkhial mite’ nasepna ka mudah a, tuate tawh ka kisukha kei ding hi.

2 KHANG TANGTHU NIHNATE 34:3

Ama uk a kum giatna sung, naupang ahi laipi mahin, amah in a pu David’ Pasian zon ding kipan hi. A kum sawm le nihna ciangin amah in Judah le Jerusalem panin mual dawna biaknate, Asherah milimte, le a kiseek le a kisung milimte beisiangsak ding kipan hi.

2 KHANG TANGTHU NIHNATE 29:4

Amah in siampite le Levi mite paipihin nisuahna lam mun awngah amaute khawmin

2 KHANG TANGTHU NIHNATE 29:17

Kha masa a ni masa ni-in amaute in siansuah ding kipan uh a, tua kha a ni giat ni-in Topa’ innlimah amaute hong pai uh hi. Tua ciangin amaute in ni giat sung Topa’ biakinn siansuah uh a, a kha masa a ni sawm le guk ni-in zo uh hi.

Paikhiatna 40:2

“Kha masa a ni masa ni-in nangmah in kikhopna buk ahi biakbuk na lam ding hi.