Biblia Todo Logo
Bib sou entènèt

- Piblisite -




2 KHANG TANGTHU NIHNATE 28:3 - Tedim Bible

3 Tua ciangin Hinnom’ tapa’ kuamah paknamtui hal a, Topa in Israel-te’ mai-ah a hawlkhiat minamte in a zat uh a kihhuai gamtatnate mah bangin biakna-in a tapate a hal hi.

Gade chapit la Kopi

Tedim Bible Revision 2017

3 Tua ciangin Hinnomʼ tapaʼ kuamah paknamtui hal a, Topa in Israel-teʼ mai ah a hawlkhiat minamte in a zat uh a kihhuai gamtatnate mah bangin biakna-in a tapate a hal hi.

Gade chapit la Kopi




2 KHANG TANGTHU NIHNATE 28:3
20 Referans Kwoze  

Tua ciangin amah in Hinnom’ tapa’ kuamah biakna-in a tapate hal a, aisanna le mailam thugenkholhna le khongkhaina zang a, vankah theite le aisante tawh na semkhawm hi. Amah in Topa’ muhna-ah siatna tampi bawl a, amah hehsak hi.


Topa in Israel minamte’ mai-ah a hawlkhiat minamte’ zat a kihhuai gamtatnate mah bangin, Topa’ muhna-ah amah a sia gamta hi.


Nangmah in Molek tungah meihal biakna-a piak dingin na tate khat peuhpeuh na pia kei ding a, tua bangin na Pasian’ min na daisak kei ding hi; keimah pen Topa ka hi hi.


Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.


Tua ciangin Jebus (Jerusalem a cihna) liangko leitaw lam Hinnom’ tapa’ kuamah gamgi paito-in, Refaim kuam leilu lam mong, nitumna lam Hinnom Kuam galkhatah a kikhung mual dawnah gamgi paito hi.


Topa kiangah tuu a tul tulin va puakin, guntui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?


Hinnom Kuam-ah a tapate le a tanute uh tawh Molek pasian a biak nadingun Baal a’ ding biakna tau sangte a bawl uh hi. Hih a kihhuai na semin, Judah mite mawhna a bawlsak nadingun amaute ka sawl kei a, zong ka ngaihsunkha ngei beek kei hi.


Jerusalem khua-a innte le Judah kumpite’ innte a kipan, innkhum zangah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.


Mawhnei lo mizawngte’ sisan na puan tungah baang hi. Amaute in na inn hong luhngei beek lo uh hi. “Tua bang teng hinapi-in


Israel kumpi dangte’ khekhap mah zui hi. Topa in Israel mite’ mai-ah a hawlkhiat minamte’ zat a kihhuai a gamtatte mah uh bangin biakna-in ama tapa nangawn a hal hi.


“Topa na Pasian un note hong piak leitangah na tun uh ciangin, tua minamte’ gamtatna a kihhuaite zuih ding na kisin kei ding uh hi.


Topa na Pasian uh tungah tua bangin na hih kei ding uh hi. Bang hang hiam cih leh Topa in a muhdah a kihhuai nam khempeuh amaute in a pasian-te uh a dingin hih uh hi. A pasian-te uh a dingin a tapate uh le a tanute nangawn uh mei sungah a hal uh hi.


Note lakah a tanu ahi a, a tapa ahi zongin biakna-in a zang, ai a saan, khong a khai, mailam thu a gen, ai a tawi,


Tua ciangin Israel mite, Topa’ muhna-ah a sia gamta-in Baal-te’ na sem uh hi.


Amaute in Topa nusia uh a, Baal-te le Ashtaroth pasian-te bia uh hi.


A makai siampite le mi khempeuh zong tua bangmahin citak lo mahmah uh a, minam dangte’ kihhuainate zui uh hi. Amah in Jerusalem-ah a siangtho-in a koih Topa’ biakinn amaute in ninsak uh hi.


Swiv nou:

Piblisite


Piblisite