2 KHANG TANGTHU NIHNATE 26:19 - Tedim Bible

¹⁹ Tua ciangin Uzziah a heh suak hi. Tu-in amah in paknamtui a hal dingin a khut sungah paknamtui beel tawi a, siampite tungah a hehna hangin paknamtui biakna tau gei Topa’ biakinn sung siampite’ muhin ama taltangah phaknatna hong suakkhia hi.

Tedim Bible Revision 2017

¹⁹ Tua ciangin Uzziah a heh suak hi. Tu-in amah in paknamtui a hal dingin a khut sungah paknamtui beel tawi a, siampite tungah a hehna hangin paknamtui biakna tau gei Topaʼ biakinn sung siampiteʼ muhin ama taltang ah phak natna hong suak khia hi.

2 KHANG TANGTHU NIHNATE 26:19 Referans Kwoze

Gamlak-vakna 12:10

Puanbuk tung san panin meiipi a kilakkhiat ciangin Miriam phak a, vuk bangin a pak hi. Miriam’ lamah Aaron kihei a, tua numei a na phak hi.

2 KHANG TANGTHU NIHNATE 25:16

Ahih hangin amah in thu a gen laitakin kumpipa in ama kiangah, “Kumpipa tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin ama kiangah, “Hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpitakin heh hi. Tua hun mahin Asa in mi pawlkhat zong gitlohna tawh a gimsak hi.

Siampi Laibu 13:10

Siampipa in vel ding a, a vun sungah a bawk kang omin, tua in a multe kangsakin a bawk sungah ma thak a om leh,

2 KUMPI NIHNATE 16:12

Damaskas panin kumpipa hong tun ciangin kumpipa in tua biakna tau a en hi. Tua ciangin kumpipa in biakna tau hong naihin paito a,

2 KHANG TANGTHU NIHNATE 26:20

Tua ciangin siampi lian Azariah le siampi khempeuh in amah a et uh ciangin a taltangah phaknatna na nei hi. Tua ciangin amaute in manlang takin amah sawnkhia uh a, Topa in amah vat khin ahih manin amahmah zong a paikhia dingin nawhtat hi.