2 KHANG TANGTHU NIHNATE 26:18 - Tedim Bible

¹⁸ Tua ciangin amaute in Kumpi Uzziah nialin ama kiangah, “Uzziah aw, Topa’ tungah paknamtui hal ding nangma hih ding hi lo hi. Paknamtui hal dingin a ki-ap, Aaron’ suan siampite’ hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nang’ tungah pahtawina hong tun lo ding hi,” a ci uh hi.

Tedim Bible Revision 2017

¹⁸ Tua ciangin amaute in Kumpi Uzziah nialin ama kiangah, “Uzziah aw, Topaʼ tungah paknamtui hal ding nangma hih ding hi lo hi. Paknamtui hal dingin a ki-ap, Aaronʼ suan siampiteʼ hih ding ahi hi. Biakinn sung panin paikhia in; bang hang hiam cih leh na gamta khial a, hih bang hihna in Topa Pasian tung panin nangʼ tungah pahtawina hong tun lo ding hi,” a ci uh hi.

2 KHANG TANGTHU NIHNATE 26:18 Referans Kwoze

Gamlak-vakna 18:7

Nang le na tapate in biakna tau tawh kisai nate le dalna puan sunga om nate khempeuhah na siampi nasep uh na sem ding uh hi. Na siampi nasep uh letsongin kong piak hi a, midangte in hong sep leh kithat ding hi,” a ci hi.

Hebru 5:4

Tua bangin pahtawina a nei siampi lianpen nasep pen a sem dingte amau utthu tawh a kisehtawm mawk hi lo hi; siampi lianpen a sem dingin amahmah a kisehtawm hi lo a, Aaron a kisap mah bangin Pasian in amah a seh ahi hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuaksuk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

2 KHANG TANGTHU NIHNATE 19:2

Ahih hangin amah a dawn dingin Hanani’ tapa, thumu pa Jehu hong paikhia a, Kumpi Jehoshafat kiangah, “Mi gilote huhin Topa a mudahte it ding na hi hiam? Hih thu hangin Topa’ hehna nang tungah hong tungzo hi.

Jeim 2:1

Sanggamte aw, minthanna vang tawh a kidim i Topa Jesuh Khrih umin na om laitakun a pualama kilang pianziate siksanin mi na deidan kei un.

Galati 2:11

Antiok khua-ah Peter hong hawh sungin a gamtat khialhna hangin thu uppih mite lak mahah amah ka taii hi.

2 KORIN NIHNA 5:16

Tua ahih manin kote in mihingte’ ngeina zia tawh kuamah ka en nawn kei uh hi. Khrih mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

1 KORIN MASA 5:5

Topa’ Ni hong tun ciangin tua bang mite’ kha in hotkhiatna a ngahtheih nadingin Satan in amau pumpi a gimsak dingin na piakhia ta un.

Johan 5:44

Pasian’ pahtak theih nading hanciam nuam loin, note khatlekhat na kiphat theih nading uh a hanciam mite’ thugen, a bang hangin um zawsop na hi uh hiam?

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Mattiu 10:18

Keima hangin gam ukte le kumpite mai-ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gentheih nading hunhoih a nei na hi uh hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.

Gamlak-vakna 3:10

Nangmah in Aaron le a tapate na seh ding a, amaute in a siampi nasep uh don ding uh hi. Ahih hangin midang khatpeuh in siampi nasep a sep leh, tua mi kithat ding hi,” a ci hi.

Paikhiatna 28:1

“Tua ciangin keima tungah siampi na a sem dingin Israel mite lak panin na sanggampa Aaron le a tapate Nadab le Abihu, Eleazar le Ithamar, nangma kiangah la in.

Joshua 22:15

Tua ciangin Gilead gam sunga om Reuben mite, Gad mite, le Manasseh minam alangte kiangah va pai-in amaute kiangah,

2 KHANG TANGTHU NIHNATE 30:7

Note in na theih uh bangin, amau’ pute pate’ Topa Pasian’ tungah a cihtak lohna uh hangin nakpitakin gim a piak na pute na pate uh le na sanggamte uh bang kei un.