2 KHANG TANGTHU NIHNATE 26:16 - Tedim Bible

¹⁶ Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topa’ biakinn sungah a lut hi.

Tedim Bible Revision 2017

¹⁶ Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topaʼ biakinn sungah a lut hi.

2 KHANG TANGTHU NIHNATE 26:16 Referans Kwoze

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl zahin Topa’ tungah Hezekiah in lungdam ko nuam lo hi. Tua ahih manin amah le Judah le Jerusalem tungah Topa’ hehna hong tung hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

2 KHANG TANGTHU NIHNATE 25:19

Nangmah in, ‘Edom mite ka vat khin hi,’ na ci a, na lungsim in nang hong kisathei sak hi. Tu-a na minthanna zah tawh inn-ah om in; bang hangin nangmah le Judah mite na pukkhawm nadingun buaina piangsak ding na hi hiam” a ci hi.

Habakkuk 2:4

Tua a hong tung ding thu pen ‘A gilo mite suakta lo ding a, thuman mite ahihleh Pasian tungah a cihtak manun nungta ding hi,’” a hong ci hi.

Thu-hilhkikna 8:17

Na lungsim uhah, ‘Ka vangliatna uh le ka thahatna un hih hauhna hong ngahsak hi,’ ci kha ding na hih manun kingaihsun un.

Thu-hilhkikna 8:14

na lungsim uh lianin, salsuahna Egypt gam panin note a hong paikhiatpih,

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn mite’ khemsa-in ta kei un. Tua bang mite pen amau’ ngaihsut tawmna tawh a kihisak mawk hi a,

2 KUMPI NIHNATE 14:10

Nangmah in Edom na vatgawp khin a, na lungsim in nang hong liansak hi. Na minthanna tawh lungkim inla, inn-ah om in; bang hangin nang tukin, Judah tawh nang na tuk nadingin buaina piangsak se ding na hi hiam?” a ci hi.

1 KUMPI MASATE 12:33

A kha giatna a ni sawm le nga ni, ama deih kha sungin Bethel-a ama bawlsa biakna tau-ah amah paito hi. Amah in Israel mite a dingin pawi khat kipsak a, paknamtui hal dingin biakna tau-ah a paito hi.

Gamlak-vakna 16:35

Tua ciangin Topa’ kiang panin mei hong paikhia a, paknamtui a pia mi zanih le sawmngate kangtum hi.

Gamlak-vakna 16:18

Tua ahih ciangin a milipun a paknamtui beel ciat uh la uh a, tuate sungah mei koihin a tungah paknamtui koih uh a, kikhopna buk kongah Moses le Aaron tawh ding khawm uh hi.

Gamlak-vakna 16:7

Zing ciangin Topa’ mai-ah tua beelte sungah mei koihin, mei tungah paknamtui koih unla, tua ciangin Topa’ teel mi pen a siangtho hong hi ding hi. Levi’ tapate aw, khengvallua uh teh!” a ci hi.

Gamlak-vakna 16:1

Tu-in Levi mite sung pan Levi’ tapa Kohath, Kohath’ tapa Izhar, Izhar’ tapa Korah; le Reuben mite sung pan Reuben’ tapa Eliab, Eliab’ tapa Dathan; le Abiram; le Peleth’ tapa On;

1 KUMPI MASATE 13:1

Tua laitakin Topa’ sawlna tawh Judah panin Pasian’ mi khat Bethel-ah hong pai hi. Paknamtui hal dingin biakna tau gei-ah Jeroboam na ding hi.

2 KHANG TANGTHU NIHNATE 26:15

Amah in thaltangte le suang liante lot nadingin tausang omna munte le a kiute-ah koih ding, mi a siamte in a bawltawm sette, Jerusalem-ah a bawl hi. Amah a thahat dong a lamdangpi khatin kihuh ahih manin ama minthanna in gamlapi a zel hi.

2 KHANG TANGTHU NIHNATE 27:2

A pa Uzziah hihsa khempeuh bangin Topa’ mitah a man gamta hi. Ahih hangin a pa bangin Topa’ biakinn sungah amah va mawk lut lo hi. Ahih hangin mite in a sia gamtatnate zui lai uh hi.

Daniel 8:8

Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong poto kik a, mun tuamtuam a kawk hi.

Gamlak-vakna 17:5

Keimah in ka teel mipa’ ciangkhut hong sel ding hi. Amaute in nang hong phunsanna, Israel mite’ phunna tua bangin kei’ kiang panin ka beisak ding hi,” a ci hi.

2 KUMPI NIHNATE 15:5

Tua ciangin Topa in phaknatna tawh kumpipa vat ahih manin a sih ni dongin amah a phak hi a, inn tuam sungah amah teng hi. Tua ciangin kumpipa’ tapa Jotham pen a innkuan tungah a uk hi a, tua gam mite a uk hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah a kipan amah tawh a om Israel mi khempeuh in Topa’ thukham nusia uh hi.

Daniel 11:12

A galhatna hang le galkap tampi a thahna hangin kisathei mahmah ding a, ahih hangin a gualzo tawntung kei ding hi.