2 KHANG TANGTHU NIHNATE 26:15 - Tedim Bible

¹⁵ Amah in thaltangte le suang liante lot nadingin tausang omna munte le a kiute-ah koih ding, mi a siamte in a bawltawm sette, Jerusalem-ah a bawl hi. Amah a thahat dong a lamdangpi khatin kihuh ahih manin ama minthanna in gamlapi a zel hi.

Tedim Bible Revision 2017

¹⁵ Amah in thaltangte le suang liante lot nadingin tausang omna munte le a kiute ah koih ding, mi a siamte in a bawl tawm sette, Jerusalem ah a bawl hi. Amah a thahat dong a lamdangpi khatin kihuh ahih manin ama minthanna in gamlapi a zel hi.

2 KHANG TANGTHU NIHNATE 26:15 Referans Kwoze

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

2 KHANG TANGTHU NIHNATE 2:7

Tua hi a, tu-in ka pa David in a sehsa, Judah le Jerusalem-ah kei tawh a om nasep siamte tawh a semkhawm dingin kham, ngun, sumngo, le sik, le a ausan, a dupsan, puandumte, le nasepna-ah zong siamna a nei mi khat hong puak in.

2 KHANG TANGTHU NIHNATE 26:14

Uzziah in galkap khempeuh a dingin lumte, teipite, sik lukhute, thalte, lot ding suangtangte a bawl hi.

2 KHANG TANGTHU NIHNATE 26:16

Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topa’ biakinn sungah a lut hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Habakkuk 1:5

Tua ciangin Topa in a mite kiangah thu gen a, “No, a thuman lo ka minamte aw, na kiim uha a om minam dangte en dih un; lamdang na sa mahmah ding uh hi. Note kiangah thu hong kigen ciangin na up zawh hetloh ding uh thu lamdang khat tu-in a bawl ding ka hi hi.

Thu-hilhkikna 20:20

Nek dinga kizang lo singkung hi, ci-in na theih teng bek uh note hong do khuapi a tuk mateng umcihna-in na zat dingun na phuk thei ding uh hi.