2 KHANG TANGTHU NIHNATE 24:25 - Tedim Bible

²⁵ Amah nakpi tak a liamsa-in nusia-in, ama kiang panin Syria mite a kihepkhiat khit uh ciangin, siampi Jehoiada’ tapa a thahna hangin a nasemte in amah sawmsim uh a, a lupna tungah amah that uh hi. Tua ahih ciangin amah si hi. David khuapi sungah amah vui uh a, ahih hangin amaute in kumpite’ hanah amah vui lo uh hi.

Tedim Bible Revision 2017

²⁵ Amah nakpi tak a liam sa-in nusia-in, ama kiang panin Syria mite a kihepkhiat khit uh ciangin, siampi Jehoiadaʼ tapa a thahna hangin a nasemte in amah sawm sim uh a, a lupna tungah amah that uh hi. Tua ahih ciangin amah si hi. David khuapi sungah amah vui uh a, ahih hangin amaute in kumpiteʼ hanah amah vui lo uh hi.

2 KHANG TANGTHU NIHNATE 24:25 Referans Kwoze

2 KHANG TANGTHU NIHNATE 28:27

Tua ciangin Ahaz si a, amaute in Jerusalem khuapi sungah vui uh a, ahi zongin Judah kumpite tawh vuikhawm lo uh hi. Tua ciangin a tapa Hezekiah in ama tangin a uk hi.

Mangmuhna 16:6

Amaute in mi siangthote le kamsangte’ sisan luangsak uh ahih manin tu-in amaute’ dawn dingin sisan a pia na hi hi. Hih pen amaute’ ngah dingin a kilawm ahi hi,” a cihna thu ka za hi.

Late 10:14

Nangmah in na mu hi. Na huh theih nadingin haksatna le gimna a thuakte na ciamteh hi. A tuahsia mi in nangma tungah ama pumpi hong ap a, pa nei lote a huhpa na hi hi.

2 KHANG TANGTHU NIHNATE 24:16

Amah in Israel sung, le Pasian’ na le Pasian’ biakinn-ah nasep hoih sem ahih manin amaute in David khuapi sung kumpite’ lakah amah a vui uh hi.

2 KHANG TANGTHU NIHNATE 22:6

Syria kumpi Hazael a do laitakin gal sungah a ngah a liamnate Jezreel-ah a kidamsak dingin a kileh kik hi. Tua ciangin Jezreel-ah Ahab’ tapa Joram a ci na ahih manin amah a en dingin Judah kumpi Jehoram’ tapa Ahaziah a hawhsuk hi.

2 KHANG TANGTHU NIHNATE 21:16

Tua ciangin Topa in Ethiopia mite kiangah a om Filistia mite le Arab mite, Jehoram tungah a heh nadingun tok lo hi.

2 KHANG TANGTHU NIHNATE 24:26

Amah a sawmsim mite pen Ammon numei Shimeath’ tapa Zabad, le Moab numei Shimrith’ tapa Jehozabad ahi uh hi.

1 KUMPI MASATE 15:27

Issakhar minam Ahijah’ tapa Baasha in Nadab sawmsim hi. Baasha in Filistia-te’ khua Gibbethon-ah amah sattuk hi. Nadab le Israel khempeuh in Gibbethon umcihin a om laitakun a thah ahi hi.

2 KHANG TANGTHU NIHNATE 22:9

Amah in Ahaziah zong a, Samaria-ah a buk laitakin amah kiman a, tua ciangin Jehu kiangah amah kipaipihin kithat hi. Amaute in amah vui uh hi; bang hang hiam cih leh amaute in, “Amah pen a lungsim khempeuh tawh Topa a zong Jehoshafat’ tupa ahi hi,” ci uh hi. Tua ciangin Ahaziah innkuante in kumpi gam a ukzo ding mi khat zong nei nawn lo uh hi.

2 KHANG TANGTHU NIHNATE 25:3

Ama khut sungah kumpi vangliatna kiptakin a om khit phetin a pa ahi kumpipa a that a nasemte a that hi.

2 KHANG TANGTHU NIHNATE 25:27

Topa kiang panin amah a kihei khiat a kipanin amaute in amah sawmsimna khat Jerusalem-ah nei uh ahih ciangin Lakhish-ah amah tai hi. Ahih hangin amaute in Lakhish-ah amah nungdelh sak uh a, tua lai-ah amah that uh hi.