2 KHANG TANGTHU NIHNATE 24:22 - Tedim Bible

²² Tua bangin kumpipa Joash in Zekhariah’ pa Jehoiada in ama tungah a lah dikna phawk nawn loin ama tapa thahsak mawk hi. Amah in a sih ding ciangin, “Topa in mu hen la thuk ta hen!” a ci hi.

Tedim Bible Revision 2017

²² Tua bangin kumpipa Joash in Zekhariahʼ pa Jehoiada in ama tungah a lah dikna phawk nawn loin ama tapa thahsak mawk hi. Amah in a sih ding ciangin, “Topa in mu henla thuk tahen!” a ci hi.

2 KHANG TANGTHU NIHNATE 24:22 Referans Kwoze

Piancilna 9:5

Mi khatpeuh in hong thah le ama tungah sihna dan ka pia ding hi. A hong that ganhing peuhmah ka that ding a, a mipihte a that mi peuhmah gim ka pia ding hi.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Ke’n kong cihin-ah, hih thute khempeuh hangin tuhuna mite gim hong kipia taktak ding hi.

Mangmuhna 19:2

A thukhennate thumanin thutang a, a paktatna tawh leitung mi khempeuh a siasak, a paktat nu tungah thu khen khinta a, ama nasemte a thahsakna hangin ama tungah a phu la khinta hi,” a ci uh hi.

Johan 10:32

Jesuh in, “Ka Pa’ hong sawl bangin note’ muhna-ah na hoih tampi ka hong sepna hangin suang tawh den hong sawm na hi uh hiam?” a cih ciangin

Late 10:14

Nangmah in na mu hi. Na huh theih nadingin haksatna le gimna a thuakte na ciamteh hi. A tuahsia mi in nangma tungah ama pumpi hong ap a, pa nei lote a huhpa na hi hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

2 TIMOTI NIHNA 4:16

Keimah kihut nading thu ka gen masak ni-in kuamah in hong koppih loin hong taisanmang uh hi. Tua thu hangin mawhsakna thuak kei beek uh hen!

2 TIMOTI NIHNA 4:14

Sikseekpa Alexander in kei tungah siatna lianpi hong bawl hi. Ama gamtatna tawh kizui-in Topa in thuk ding hi.

Jeremiah 51:56

Babylon khua a susia ding mi khat hong pai khinzo hi. A galkapte uh kiman khin a, a thalte uh a tum a tel suak khin hi. Bang hang hiam cih leh Topa, a thukkik thei Pasian hi a, a thukkik taktak ding hi.

Jeremiah 11:20

Ahih hangin thu a mantakin khenin, mihingte’ lungsim le a ngaihsutna uh a entel a Vanglian Topa aw, amaute na thuhkikna kei hong musak in. Bang hang hiam cih leh nangma tungah ka thu kong ap khin hi.

Paunak 17:13

Thuhoih kimlai thusia tawh a thukte’ inn sungah cikmahin thusia veng cih om ngei lo hi.

Late 109:4

Amaute ka itna, amaute a dingin thu ka ngetsakna nangawn amaute in hong thukna-in kei hong mawhsak uh hi.

Piancilna 42:22

Reuben in amaute dawng a, “Tangvalpa tungah khial kei un, ci-in note tungah hong gen hi lo ka hi hiam? Ahih hangin ka thu nong mang kei uh hi. Tua ahih ciangin tu-in ama sihna thaman eite’ tungah hong tung ahi hi,” a ci hi.

Thukhente 8:35

Jerubbaal in Israel-te tungah a bawl thuhoihte khempeuh hangin amaute in Jerubbaal innkuante tungah lungdamna bangmah lak lo uh hi.

Late 9:13

Ka tungah hong dik in, Topa! Sihna pan hong honkhia pa aw, kei hong mudahte’ hangin keima gim thuaknate hong en inla,