2 KHANG TANGTHU NIHNATE 24:19 - Tedim Bible

¹⁹ Ahi zongin Topa’ lamah amaute a paipih kik dingin amah in amaute lakah kamsangte a puak hi. Hihte in amau’ langkhatah teci pang a, ahih hangin amaute in don lo uh hi.

Tedim Bible Revision 2017

¹⁹ Ahi zongin Topaʼ lamah amaute a paipihkik dingin amah in amaute lakah kamsangte a puak hi. Hihte in amauʼ lang khat ah teci pang a, ahih hangin amaute in don lo uh hi.

2 KHANG TANGTHU NIHNATE 24:19 Referans Kwoze

Luka 16:31

Ahi zongin Abraham in, ‘Amaute in Moses le kamsangte’ thu a mannop kei uhleh, mi khat hong hingkikin amaute kiangah a va gen hangin umsakzo tuan lo ding hi,’ ci-in a dawng hi,” a ci hi.

Mattiu 13:9

“Zak nading bil a neite in hih thu na za ta un,” ci-in Jesuh in a thugen a khum hi.

Jeremiah 26:5

note in a thu na man’ ngei loh uh ahi, kong sawl zelzel ka nasem kamsangte’ thu na thupi sim kei uhleh

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

Isaiah 51:4

“Ka mite aw, ka thugen hong ngai un. Minamte tungah thu ka hilh a, keima thukham in amaute tungah khuavak tun ding hi.

Isaiah 42:23

Note lakah khat peuhpeuh in hih thu na ngai ding uh hiam? Tu a kipanin limtakin na ngai ding uh hiam?

Isaiah 28:23

Na bil uh hong ngat unla, ka aw hong za un. Ngai unla, ka thugenna hong za un.

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkikna dingun amaute a hilh na kamsangte that uh a, amaute in gendai mawhna lianpi bawl uh hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn loh nading hilh uh hi. Ahi zongin amaute in ka thu ngainuam loin, ka thu hong mang lo uh hi.

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topa’ kiang zuankik nuam lo a, zong kisik nuam loin a lung khauhsak hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang mite’ khut sungah amaute na pia hi.

Jeremiah 25:3

“Amon’ tapa Josiah, Judah gamah kumpi a suahzawh a kum sawm le thum pan tu ciang dong kum sawmnih le kum thum sung Topa in kei hong hopih a, ke’n zong note kiangah kong gensawn tawntung hangin note in na ngai kei uh hi.

Jeremiah 25:7

Ahih hangin Topa in kong cihin-ah, note in ka thu nong ngai kei uh a, note’ gim ngahna ding mahin na khut uh tawh milim bawlin nong hehsak uh hi.

Jeremiah 25:8

“Tua ahih ciangin Vanglian Topa in kong cihin-ah, note in ka thu hong mang lo na hih uh ciangin