2 KHANG TANGTHU NIHNATE 24:16 - Tedim Bible

¹⁶ Amah in Israel sung, le Pasian’ na le Pasian’ biakinn-ah nasep hoih sem ahih manin amaute in David khuapi sung kumpite’ lakah amah a vui uh hi.

Tedim Bible Revision 2017

¹⁶ Amah in Israel sung le Pasianʼ na le Pasianʼ biakinn ah nasep hoih sem ahih manin amaute in David khuapi sung kumpiteʼ lakah amah a vui uh hi.

2 KHANG TANGTHU NIHNATE 24:16 Referans Kwoze

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

2 KHANG TANGTHU NIHNATE 31:20

Tua bangin Hezekiah in Judah gam sung khempeuhah hih hi. Amah in Topa a Pasian’ mai-ah a hoih le a manin gamta-in cihtakna tawh a sem hi.

1 KUMPI MASATE 2:10

Tua ciangin David si a, David khuapi sungah kivui hi.

Sawltak 2:29

“Sanggamte aw, note’ theih dingin i pupi David’ thu a teltakin kong gen ding hi. Amah si-in kivui a, a han zong tu mahmahin eite kiangah omlai hi.

Nehemiah 13:14

Ka Pasian aw, hih thu tawh kisai-in kei hong phawk inla, ka Pasian’ biakinn le a nasep nadingin ka sepsa gamtat hoihte maimangsak kei in.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.

2 KHANG TANGTHU NIHNATE 21:2

Jehoshafat’ tapa Jehoram’ sanggam pasalte: Azariah, Jehiel, Zekhariah, Azariah, Mikhael, le Shefatiah ahi uh hi. Hihte khempeuh, Judah kumpi Jehoshafat’ tapate ahi hi.

2 KHANG TANGTHU NIHNATE 21:20

Amah in uk ding a kipatin kum sawmthum le nih a pha hi. Jerusalem-ah kum giat sung uk a, kuama dahpih lohin amah kihemkhia hi. Amaute in David khuapi sungah amah vui uh a, ahih hangin kumpite’ han sungah kivui lo hi.

2 KHANG TANGTHU NIHNATE 24:15

Ahih hangin Jehoiada teekin a hun kicing ta a, tua ciangin a si hi. A sihin kum za le kum sawmthum pha hi.

2 KHANG TANGTHU NIHNATE 24:17

Jehoiada a sih khit ciangin Judah uliante hong pai-in amau’ thu a zuih nadingin kumpipa tungah thu va gen uh a, kumpipa in zong amaute’ thu a ngai hi.

2 KUMPI NIHNATE 12:7

Tua ahih ciangin Kumpi Joash in siampi Jehoiada le siampi dangte samin amaute kiangah, “Bang hangin biakinn puah lo na hi uh hiam? Tua ahih ciangin tu-in na nasepna uh mite kiang panin na sumlakte uh kem nawn kei unla, a sumte biakinn puah nadingin ap un,” a ci hi.

Marka 6:29

Johan’ nungzuite in hih thu a zak uh ciangin hong pai-in a luanghawm la uh a, hanah a vui uh hi.