Biblia Todo Logo
Bib sou entènèt

- Piblisite -




2 KHANG TANGTHU NIHNATE 23:3 - Tedim Bible

3 Tua ciangin a kikhawm khempeuh in Pasian’ biakinn sungah kumpipa tapa Joash tawh thuciamna khat bawl uh hi. Tua ciangin Jehoiada in amaute kiangah, “En un, kumpipa’ tapa! Topa in David suante tawh kisai-in a gen bangin amah uksak un.

Gade chapit la Kopi

Tedim Bible Revision 2017

3 Tua ciangin a kikhawm khempeuh in Pasianʼ biakinn sungah kumpipa tapa Joash tawh thuciamna khat bawl uh hi. Tua ciangin Jehoiada in amaute kiangah, “En un, kumpipaʼ tapa! Topa in David suante tawh kisai-in a gen bangin amah uksak un.

Gade chapit la Kopi




2 KHANG TANGTHU NIHNATE 23:3
14 Referans Kwoze  

Ahi zongin, David tawh a bawlsa a thuciamna, ama tung le a suante tungah ukna za a piak suakna ding a ciam khitna hangin Topa in David’ suante susia lo hi.


Tua ahih ciangin tu-in Israel Pasian, Topa aw, ama tungah thu ciamin, ‘Keima thu na hong man’ bangin na suan na khakte in ka thukham zui-in a gamtatna uhah a kidop nak-uhleh Israel kumpi tokhom tungah a tu dingin keima mai-ah mi khat beek na kitasam kei ding hi,’ na cihsa bangin na nasem ka pa David tawh na thuciamsa kipsak in.


Na pu na pate’ kiang na zuat ni ciangin, nangma sung panin hong suakkhia ding na tapa nangma nungah ka khangsak ding a, keimah in ama kumpi gam ka kipsak ding hi.


na pa David tawh kiciamin, ‘Israel a uk dingin mi khat zong na kitasam kei ding hi,’ ka cih bangin na kumpi tokhom ka kipsak ding hi.


Tua ciangin Jehoiada in amaute Topa’ mi ahihna ding uh Topa le kumpipa le mite kikalah thuciamna khat bawl a, kumpipa le mite kikalah zong a bawl hi.


Ama suanlekhakte kizom paisuak ding a, vana ni a taan laiteng a kumpi gam ka kipsak ding hi.


Ama suanlekhakte kumpi ka hisak ngitnget ding a, a ukna za, vantung bangin ka kipsak ding hi.


Tua ciangin Topa’ mi ahihna ding uh Jehoiada in amah le mi khempeuh le kumpipa kikalah thuciamna khat a bawl hi.


Tua ahih ciangin Israel upate khempeuh kumpipa kiang Hebron-ah hong pai uh hi. Tua ciangin David in Topa’ mai Hebron-ah amaute tawh thuciamna khat bawl a, Samuel’ tungtawnin Topa’ thugen bangin amaute in Israel kumpi-in David sathau a nilh uh hi.


na pa David tungah, ‘Israel kumpi tokhom tungah mi khat zong na tasam kei ding hi,’ ci-in ka ciamsa bangin Israel-te tungah na kumpi tokhom ka kipsak paisuak ding hi.


Na suanlekhakte le na kumpi gam keima mai-ah a kip tawntungin kibawl ding a, na kumpi tokhom kip tawntung ding hi,’ ci-in gen in,” a ci hi.


Tua ahih ciangin Israel upate khempeuh Hebron-a kumpipa kiangah hong pai uh hi. Kumpipa David in amaute tawh Topa’ mai Hebron-ah thuciamna khat bawl a, amaute in Israel-te tungah kumpi-in David sathau a nilh uh hi.


Swiv nou:

Piblisite


Piblisite