2 KHANG TANGTHU NIHNATE 22:3 - Tedim Bible

³ Ama nu in a sia-a a gamtatna ding lamlak ahih manin amah zong Ahab innkuan dangte’ gamtat bangin a gamta hi.

Tedim Bible Revision 2017

³ Ama nu in a sia-a a gamtat nading lamlak ahih manin amah zong Ahab innkuan dangteʼ gamtat bangin a gamta hi.

2 KHANG TANGTHU NIHNATE 22:3 Referans Kwoze

Sawltak 4:19

Ahi zongin Peter le Johan in, “Note’ thu manzawk ding le Pasian’ thu manzawk ding, Pasian’ muhna panin koi pen manzaw ding cih thu nomau mah in zong ngaihsun ciat un.

Mattiu 10:37

“Kei sangin a nu a pa a itzawte kei tawh kilawm lo a, kei sangin a tapa a tanu a itzawte kei tawh kilawm lo hi.

Malakhi 2:15

Pasian in na zite uh tawh pumkhat, lungsim khat ahi dingin hong bawl hi lo ahi hiam? Hih bangin a hong bawlna pen bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na tenpih na zi uh tawh na thuciamna uh na palsatkhak loh nadingun kidawm un.

2 KUMPI NIHNATE 8:27

Amah zong Ahab’ innkuante’ makpa ahih manin Ahab’ innkuante’ gamtatsa bangin Topa’ muhna-ah a sia gamta a, Ahab’ innkuante’ lampi mah a tawn hi.

2 KHANG TANGTHU NIHNATE 22:2

Ahaziah in uk ding a kipatin kum sawmli le nih pha a, Jerusalem-ah kum khat sung uk hi. Ama nu’ min Athaliah hi a, Omri’ tanu ahi hi.

2 KHANG TANGTHU NIHNATE 22:4

Ahab innkuan dangte mah bangin Topa’ muhna-ah a sia gamta hi; bang hang hiam cih leh a pa’ sih khit ciangin ama siatna dingah thu lamlakte pen Ahab’ innkuante ahi uh hi.

2 KHANG TANGTHU NIHNATE 28:2

Israel kumpite’ khekhap zuizaw hi. Amah in a kisung milimte nangawn Baal-te a dingin a bawl hi.

2 KHANG TANGTHU NIHNATE 24:7

Bang hang hiam cih leh tua a gilo numei Athaliah le a pawlte in Pasian’ biakinn luh uh a, Topa’ biakinn sunga om a ki-ap nate khempeuh zong Baal-te a dingin zang uh hi.

2 KHANG TANGTHU NIHNATE 24:17

Jehoiada a sih khit ciangin Judah uliante hong pai-in amau’ thu a zuih nadingin kumpipa tungah thu va gen uh a, kumpipa in zong amaute’ thu a ngai hi.