2 KHANG TANGTHU NIHNATE 21:7 - Tedim Bible

⁷ Ahi zongin, David tawh a bawlsa a thuciamna, ama tung le a suante tungah ukna za a piak suakna ding a ciam khitna hangin Topa in David’ suante susia lo hi.

Tedim Bible Revision 2017

⁷ Ahi zongin, David tawh a bawl sa a thuciamna, ama tung le a suante tungah ukna za a piak suak nading a ciam khitna hangin Topa in Davidʼ suante susia lo hi.

2 KHANG TANGTHU NIHNATE 21:7 Referans Kwoze

1 KUMPI MASATE 11:36

Ahi zongin ka min koih nadingin ka teelsa khuapi Jerusalem-ah ka nasempa David in keima mai-ah suanlekhak a neih tawntung theih nadingin a tapa tungah minam khat ka pia ding hi.

Luka 1:79

sih ding lauhuaina sungah a om mi khempeuh tungah vantung khuavak hong taangsak ding a, nopsakna lampi-ah hong kha ding hi,” a ci hi.

Luka 1:69

A nasempa David’ suante sung panin eite a dingin Vanglian Honpa hong pia hi.

1 KUMPI MASATE 11:13

Ahi zongin kumpi gam khempeuh ka balkhia kei ding hi. Ka nasempa David hang le ka teelsa Jerusalem hangin na tapa’ tungah minam khat ka pia lai ding hi,” a ci hi.

Late 132:11

Topa in a pelh loh ding kiciamna taktak khat David tungah kiciam a, “Nang’ sung pana na tate khat na kumpi tokhom tungah ka koih ding hi.

Late 89:39

Na nasempa tawh na thuciamna na pelh khin a, ama kumpi lukhu leivui lakah na paihsak hi.

2 KHANG TANGTHU NIHNATE 22:11

Ahih hangin kumpipa’ tanu Jehosheba in Ahaziah’ tapa Joash la a, a kithat ding kumpipa’ tapate lak panin amah gukhia-in lupna senna inndei sungah amah le a cingnu a koih hi. Amah pen Ahaziah’ sanggamnu ahih manin Kumpi Jehoram’ tanu ahi, siampi Jehoiada’ zi Jehosheba in tua bangin Athaliah’ kiang panin amah seel a, tua nu in amah thatkha lo hi.

2 KUMPI NIHNATE 8:19

Ahi zongin amah in ama tung le a suante tungah ukna a piak ding thu ciam khin ahih manin a nasem David’ hangin Topa in Judah gam susia nuam lo hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hi lo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hi lo ahi hiam?

2 SAMUEL NIHNA 21:17

Ahih hangin amah a huh dingin Zeruiah’ tapa Abishai hong pai a, Filistia-pa simin amah a that hi. Tua ciangin David’ mite in amah kunh-in, “Galsim dingin ko tawh nong kuankhia nawn kei ding hi. Hong kuan lecin Israel mite’ muan le suanpa kong taan kha ding uh hi,” a ci uh hi.

1 KUMPI MASATE 15:4

Ahi zongin David’ hangin Topa a Pasian in Jerusalem-ah amah tapa khat pia a, ama khitah a tapa koihin Jerusalem kipsak hi.

2 KUMPI NIHNATE 8:24

Tua ciangin Jehoram si a, David khuapi sungah a pate tawh kivui hi. Tua ciangin ama tangin a tapa Ahaziah in uk hi.

2 KHANG TANGTHU NIHNATE 23:3

Tua ciangin a kikhawm khempeuh in Pasian’ biakinn sungah kumpipa tapa Joash tawh thuciamna khat bawl uh hi. Tua ciangin Jehoiada in amaute kiangah, “En un, kumpipa’ tapa! Topa in David suante tawh kisai-in a gen bangin amah uksak un.

2 KHANG TANGTHU NIHNATE 6:16

Tua ahih ciangin tu-in Israel Pasian, Topa aw, ama tungah thu ciamin, ‘Keima thu na hong man’ bangin na suan na khakte in ka thukham zui-in a gamtatna uhah a kidop nak-uhleh Israel kumpi tokhom tungah a tu dingin keima mai-ah mi khat beek na kitasam kei ding hi,’ na cihsa bangin na nasem ka pa David tawh na thuciamsa kipsak in.