2 KHANG TANGTHU NIHNATE 21:10 - Tedim Bible

¹⁰ Tua ahih ciangin tuni dongin Judah ukna panin Edom mite leengkhia hi. Amah in a pu a pate’ Pasian, Topa nusia ahih manin tua hun laitakin Libnah zong ama ukna panin a lengkhia hi.

Tedim Bible Revision 2017

¹⁰ Tua ahih ciangin tu ni dongin Judah ukna panin Edom mite leeng khia hi. Amah in a pu a pateʼ Pasian, Topa nusia ahih manin tua hun laitakin Libnah zong ama ukna panin a leng khia hi.

2 KHANG TANGTHU NIHNATE 21:10 Referans Kwoze

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om laiteng uh note tawh Topa hong om hi. Amah na zon uhleh amah na mu ding uh a, ahih hangin amah na nusiat uhleh amah in note hong nusia ding hi.

2 KHANG TANGTHU NIHNATE 13:10

“Ahih hangin kote ahihleh, Topa pen ka Pasian uh hi a, amah ka nusia kei uh hi. Topa’ na a sem, Aaron’ suan ahi siampite le amau’ nasepna-ah a huh dingin Levi mite ka nei uh hi.

2 KUMPI NIHNATE 19:8

Assiria kumpipa in Lakhish nusia khinin Libnah khua tawh a kidona thu, a ulianpa in za ahih manin, kumpipa kiangah thu a dong dingin a pai hi.

1 KUMPI MASATE 11:33

Bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, le Ammon mite’ pasian Milkom bia-in, a pa David bangin keima muhna-ah a manin gamtatna le ka thukhamte le ka ngeina kipte zui loin ka thu hong nial hi.

1 KUMPI MASATE 11:31

Tua ciangin amah in Jeroboam kiangah, “Nang a dingin bek sawm la in; bang hang hiam cih leh Israel Pasian, Topa in hih bangin ci hi, ‘En in, Solomon’ khut panin kumpi gam a balkhia ding ka hi a, nangma tungah minam sawm kong pia ding hi.

Joshua 21:13

Amaute in siampi Aaron’ suanlekhakte tungah mi thatte’ bukna khuapi Hebron a lonona gamte tawh, Libnah a lonona gamte tawh,

Thu-hilhkikna 32:21

Amaute in pasian a hilote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a a gen taak lo mite tawh amaute’ hazat theih nading ka bawl ding a, a hai mahmah minam khat tawh amaute ka hehsak ding hi.

2 KHANG TANGTHU NIHNATE 21:8

Ama hun sungin Judah ukna panin Edom lengkhia-in amau’ kumpi tuam a koih uh hi.

2 KHANG TANGTHU NIHNATE 21:9

Tua ciangin ama nuai-a a ukte le a leengte khempeuh tawh Jehoram galkah a, zanin amah kipanin amah le a leeng ukte a umcih Edom mite a vatgawp hi.

2 KHANG TANGTHU NIHNATE 21:11

Tua tham loin amah in Judah mualtung gamah mual dawna biakpiaknate bawl a, Jerusalem-a teng mite citak loin omsak a, Judah mite lampialsak hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel ding a, amaute beimang ding uh hi. Tua ni ciangin amaute in, ‘Eite’ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Joshua 10:29

Tua ciangin Joshua, amah tawh a om Israel-te khempeuh tawh Makkedah panin Libnah-ah paisuak uh a, Libnah khua a sim uh hi.

Thukhente 10:13

Tua hinapi-in note in kei hong nusia-in pasian dangte na bia uh hi. Tua ahih ciangin note kong honkhia nawn kei ding hi.

2 KHANG TANGTHU NIHNATE 28:6

Bang hang hiam cih leh amaute in a pu a pate uh Pasian, Topa nusia uh ahih manin Remaliah’ tapa Pekah in nikhat thu-in amaute galhang mihing tul zakhat le tul sawmnih, Judah gam sungah a that hi.

Isaiah 1:28

Ahih hangin a lehdo mite le a khial mite kisusia khawmin Topa a nusiate pen kibeimangsak ding hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.