2 KHANG TANGTHU NIHNATE 20:9 - Tedim Bible

⁹ ‘Eite tungah siatna, namsau, thukhenna, ahih kei leh natna, ahih kei leh kialpi hong tun leh, hih biakinn sungah ama min om ahih manin hih biakinn mai-ah dingin i gimna hunah ama tungah i kiko ding a, amah in hong za-in hong hon ding hi,’ ci uh hi.

Tedim Bible Revision 2017

⁹ ‘Eite tungah siatna, namsau, thukhenna, ahih kei leh natna, ahih kei leh kialpi hong tun leh, hih biakinn sungah ama min om ahih manin hih biakinn mai ah dingin i gimna hunah ama tungah i kiko dinga, amah in hong za-in hong hon ding hi,’ ci uh hi.

2 KHANG TANGTHU NIHNATE 20:9 Referans Kwoze

2 KHANG TANGTHU NIHNATE 6:20

Na nasempa in hih mun lamah hong thungetna na zak theih nadingin nangmah in na min koih nadingin na ciamsa mun hih biakinn lam sun le zanin hong en in.

1 KUMPI MASATE 8:33

“Nangma tungah hong khialhna hangin galte mai-ah na mi Israel-te a guallelh ciangin, amaute nang lamah hong kihei kikin nangma min hong phawk a, hih biakinn sungah thu ngenin nang tungah hong thum uhleh,

1 KUMPI MASATE 8:37

“Gam sungah kialpi tungin, pulnatna ahi a, ankung natna ahi a, ankung zawngkhalna ahi a, kauphe ahi a, lung ahi zongin a om a, amau’ khuapi khat peuhpeuh a galte un umcihin, bangbang gimna, bangbang natna hitaleh,

Paikhiatna 20:24

Note in keima a dingin lei tawh biakna tau khat bawl unla, tua tungah na meihal biaknate uh le thunuama na biaknate uh, na tuute uh le na bawngtalte uh pia un. Keima min a kiphawk nading munin ka bawlna peuhmahah note kiangah keimah hong pai-in note thupha kong pia ding hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuhah kei ka om hi,” a ci hi.

Paikhiatna 23:21

Amah thudonin ama aw ngai unla, amah lehdo kei un. Bang hang hiam cih leh amah in note’ thu palsatna hong maisak lo ding hi. Bang hang hiam cih leh keima min tawh nasem ahi hi.

2 KHANG TANGTHU NIHNATE 20:8

Hih gamah amaute tengin, nangma min dingin hih lai-ah biakinn khat lam uh a,

Ezra 10:1

Ezra in tu-a bangin thu ngenin mawhna pulakin khitui naptui tawh Pasian’ biakinn mai-ah kunin a om laitakin Israel mi numei, pasal, naupang, mi tampi tak ama kiimah hong kikhawmin amaute khempeuh zong nakpitakin a kap uh hi.

Late 91:3

Bang hang hiam cih leh amah in thangsiah pa’ thangzak le a lauhuai pulnatna panin nang hong honkhia ding hi.

1 KUMPI MASATE 8:30

Amaute in hih mun lamah hong nget uh ciangin na mi Israel-te’ hong thumna zong ngai in. Na tenna mun vantung panin hong za inla, ka mawhna uh hong maisak in.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.