2 KHANG TANGTHU NIHNATE 20:6 - Tedim Bible

⁶ “Topa, ka pu ka pate uh Pasian aw, nang, vantungah Pasian hi lo na hi hiam? Minamte’ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.

Tedim Bible Revision 2017

⁶ “Topa, ka pu ka pate uh Pasian aw, nang, vantungah Pasian hi lo na hi hiam? Minamteʼ kumpi gam khempeuh tungah nang a uk hi lo na hi hiam? Na khut sungah vangliatna le thahatna om a, kuamah in nang hong nang zo lo hi.

2 KHANG TANGTHU NIHNATE 20:6 Referans Kwoze

Thu-hilhkikna 4:39

Tua ahih ciangin tunga om vantung hitaleh nuai-a om leitung hitaleh ah Topa pen Pasian ahihna thu tuni-in thei unla, na lungsim uhah ciamteh un; kuamah dang om lo hi.

Daniel 4:17

Hih pen a vil, a patau vantungmi’ thukhenna ahi hi. Tua ahih ciangin mun khempeuhah a om mi khempeuhte in, a Lian Pasian in mite’ kumpi gamah vai a hawm hi, cih a thei ding uh hi. Amah in a teel peuhpeuh a neupente nangawn kumpi a suaksak thei ding hi,’ a ci hi.

Late 47:8

Pasian in minamte uk a, a tokhom siangtho tungah Pasian tu hi.

Sawltak 11:17

Eite in Topa Jesuh Khrih i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasian’ nasepna a khaktanzo dingin kei kua ka hi hiam?” ci-in a gen hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Mattiu 6:9

Tua ahih manin thu na nget uh ciangin hih bangin na ngen un: ‘Vantunga om kote’ Pa aw, na min siangtho kizahtak hen.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

Late 115:3

Vantungah eite’ Pasian om a, ama ut peuhpeuh a hih hi.

1 KUMPI MASATE 8:23

Amah in, “Israel Pasian, Topa aw, tunga om vantung ahi a, nuai-a om leitungah ahi zongin, nangma mai-ah a lungsim khempeuh uh tawh a gamta na nasemte tungah thuciamna lenin itna kip a lak, nang tawh a kibang pasian om lo hi.

Joshua 2:11

Tua thu ka zak phetun ka lungsim uh bei a, note’ hangin mite’ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Late 62:11

Vangliatna pen keima a’ hi, ci-in Pasian in a genna ka zak ngeingeisa ahi hi.

Late 47:2

Bang hang hiam cih leh Topa, a Sangpenpa, dipkuathuai a, leitung khempeuh a uk kumpi lian khat ahi hi.

1 KHANG TANGTHU MASATE 29:18

Ka pute uh Abraham, Isaac, le Israel Pasian, Topa aw, na mite’ lungsim sungah tua bang ngimnate le ngaihsutnate omsak tawntung inla, amaute’ lungsim nangma lamah kai in.

Paikhiatna 3:6

Tua ciangin amah in, “Kei pen na pa’ Pasian, Abraham’ Pasian, Isaac’ Pasian, le Jakob’ Pasian ka hi hi,” a ci hi. Tua ciangin Moses in Pasian a muh ding lau ahih manin a maitang a hum hi.

ROM (Romans) 9:19

Note in, “Tua bang ahihleh bang hangin Pasian in mi mawhsak thei ahi hiam? Pasian’ cihsa kua in kheelzo ding ahi hiam?” na cinuam kha ding uh hi.

2 KHANG TANGTHU NIHNATE 20:5

Tua ciangin Topa’ biakinn huangsung, inntual thak mai, Judah le Jerusalem-te’ kikhopna sungah Jehoshafat ding a,

2 KHANG TANGTHU NIHNATE 25:8

Ahih hangin hih bang lama hihna tawh galdona-ah thahat dingin kingaihsun kha na hih leh, Pasian in galte’ mai-ah nang hong paai ding hi; bang hang hiam cih leh Pasian in huhna ding ahi a, paihna ding ahi zongin vangliatna nei hi,” a ci hi.

Late 54:1

Pasian aw, na thahatna tawh kei hong honkhia inla, na vangliatna tawh ka dikna hong kilangsak in.

Isaiah 14:27

Vanglian Topa in ngim khin ahih manin kua in phiatzo ding ahi hiam? Ama khut kizan khin ahih manin kua in kaiton kikzo ding ahi hiam?

1 KUMPI MASATE 8:30

Amaute in hih mun lamah hong nget uh ciangin na mi Israel-te’ hong thumna zong ngai in. Na tenna mun vantung panin hong za inla, ka mawhna uh hong maisak in.

2 KHANG TANGTHU NIHNATE 5:14

meii hangin siampite in na sem zo lo uh hi; bang hang hiam cih leh Topa’ minthanna vangtaang Pasian’ biakinn sung a dim hi.

2 KHANG TANGTHU NIHNATE 6:14

Tua ciangin Solomon in thu ngen a, “Israel Pasian, Topa aw, vantungah ahi a, leitungah ahi zongin thuciamna lenin a lungsim khempeuh uh tawh nangma thu hong mang na nasemte tungah itna kip a lak, nang tawh a kibang Pasian dang om lo hi.

JOB (Job) 9:4

Amah pil mahmah a, vanglian mahmah hi. Kua in khauhtakin nial a, nial paisuakzo ahi hiam?

Late 46:11

Vanglian Topa, eite tawh hong omkhawm a, Jakob’ Pasian, eima belh ahi hi.

Jeremiah 49:19

En un, lonona-ah nuamtakin a om tuute, Jordan gam tulak panin a hong paito humpinelkai in a delhmang bangin, a gam uh nusia-in thakhat thu-in ka taimangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Keima to ahi ding kua omlai ahi hiam?