2 KHANG TANGTHU NIHNATE 20:4 - Tedim Bible

⁴ Tua ciangin Topa’ tung pan huhna a ngen dingin Judah mite hong kikhawm uh hi. Judah khuapi khempeuh panin Topa thu a dong dingin amaute hong pai uh hi.

Tedim Bible Revision 2017

⁴ Tua ciangin Topaʼ tung pan huhna a ngen dingin Judah mite hong kikhawm uh hi. Judah khuapi khempeuh panin Topa thu a dong dingin amaute hong pai uh hi.

2 KHANG TANGTHU NIHNATE 20:4 Referans Kwoze

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Late 69:35

Bang hang hiam cih leh Pasian in Zion honin Judah khuapite lamkik ding a, a nasemte tua lai-ah tengin tang pah ding uh hi.

2 KHANG TANGTHU NIHNATE 19:5

Amah in gam sunga Judah khuapi kulhnei khempeuh a khuapi a khuapi-ah thukhen dingte seh a,

2 KHANG TANGTHU NIHNATE 20:5

Tua ciangin Topa’ biakinn huangsung, inntual thak mai, Judah le Jerusalem-te’ kikhopna sungah Jehoshafat ding a,

Joel 1:14

An tan’ ding thu pia unla, a thupi biak kikhopna bawl un. Note’ Topa Pasian’ biakinn sungah makaite le gammi khempeuh kaikhawm unla, Topa’ tungah kiko-in thum un.

Zefaniah 2:1

A maizum thei lo minam aw, hoihtakin thu ngaihsun in.

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amau’ gitlohnate panin a kihei uhleh, keimah in vantung panin ka za ding a, amaute’ khialhna maisakin a leitang uh ka hoihsakkik ding hi.

2 KHANG TANGTHU NIHNATE 11:16

Tua ciangin Israel Topa Pasian zon ding a lungsim uhah a khentat khin mite in amau’ pute pate’ Pasian, Topa tungah biakna a pia dingin Israel minam khempeuh sung panin amau’ nung zui-in Jerusalem-ah hong pai uh hi.

Ezra 8:21

Tua ciangin eite’ Pasian’ mai-ah kote kiniamkhiat thei-in, kote le ka naupangte uh le ka neihsa khempeuh uh nuamtakin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah an tanna ding thu ka taangko hi.

Late 56:4

A thu ka phat Pasian’ sungah, lunghihmawhna khat zong nei hetloin Pasian ka muang hi. Mihing ahi lelte in kei, bang hong cihzo ding ahi hiam?

Amos 5:4

Tua ahih manin Topa in Israel mite tungah hih bangin ci hi: Kei hong zong un; tua hileh na nungta ding uh hi.