2 KHANG TANGTHU NIHNATE 20:12 - Tedim Bible

¹² Kote’ Pasian aw, amaute tungah thu khen lo ding na hi hiam? Bang hang hiam cih leh kote a sim dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

Tedim Bible Revision 2017

¹² Koteʼ Pasian aw, amaute tungah thu khen lo ding na hi hiam? Bang hang hiam cih leh kote a sim dingin a hong pai hih mihon tampite a do dingin thahatna ka nei kei uh hi. Ka cih nading uh ka thei kei uh a, nangmah bek kong mitsuan uh hi,” a ci hi.

2 KHANG TANGTHU NIHNATE 20:12 Referans Kwoze

Late 25:15

Topa’ lam ka en tawntung hi; bang hang hiam cih leh amah in ngenthang panin ka khete hong sutkhia ding hi.

Late 141:8

Ahih hangin Topa Pasian aw, nang ka hong muang tawntung a, nangmah ka hong bel hi. Tua ahih manin kei hong nusia kei in.

Thu-hilhkikna 32:36

Bang hang hiam cih leh amaute’ vang a beina le sila le sila a hilote a beina a muh ciangin Topa in a mite’ dikna kilangsak ding a, ama nasemte tungah hehpihna nei ding hi.

Late 9:19

Tho in, Topa! Mi kizosak ke’n; na mai-ah minamte sam inla, amaute’ tungah thu khen in!

Late 43:1

Pasian aw, ka dikna hong langsak inla, migilote tawh ka thu-ah kei hong panpih in. Mi khemte le thutang lote kiang panin kei hong honkhia in.

Jonah 2:4

Tua ciangin keimah in, ‘Na omna panin kei hong kihawlkhia hi. Na biakinn siangtho hong koici et kik thei ding ka hi hiam?’ ka ci hi.

2 SAMUEL NIHNA 14:11

Tua ciangin amah in, “Phulapa in that nawn loin, ka tapa a kisuksiat loh nadingin kumpipa in Topa na Pasian’ tungah na kiciam ding kong thum hi,” a ci hi. Amah in, “Topa a nungta ahih mah bangin na tapa’ samzang khat zong lei-ah kialo ding hi,” ci-in a kiciam hi.

1 SAMUEL MASA 3:13

A tapate in Pasian mindaisak a, amah in a tate kham lo ahih manin, ama theih a mawhna hangin ama innkuan gimna a pia tawntung ding ka hihna ama kiangah ka gen hi.

Thukhente 11:27

Tua ahih ciangin nang tungah ka khial kei a, kei nong simna-ah kei tungah nang nong khial hi. Topa, Thukhen pa in Israel mite le Ammon mite kikalah tuni-in thu khen ding hi,” a ci hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Late 7:8

Topa in mite thu a khen hi. Topa aw, ka thumanna le keima sunga om ka dikna tawh kizui-in thu hong khen in.

Joel 3:12

“Minam dangte hong kithawi hen la, Jehoshafat Kuam-ah hong kuan suk uh hen. Kimkotah a om minam dang khempeuh’ thu a khen dingin Topa ahi keimah, tua munah ka tu ding hi.

2 KUMPI NIHNATE 6:15

Pasian’ mipa’ nasempa zingsangin tho baihin a paikhiat ciangin, en in, khuapi kimkotah sakolte le leengte tawh galkap honpi na om hi. Tua ciangin nasempa in, “Ala, ka topa! Bangcih ding ihi hiam?” a ci hi.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.

Isaiah 2:4

Amah in minamte khatlekhat kikalah thu khenin, mi tampite’ thu khensak ding hi. Amaute in a namsaute uh lokhawhna tu, a teipite uh singhiang heuhna temkawi-in a seek ding uh hi. Minam khat le minam khat kido nawn lo ding uh a, galdo dingin kithawi nawn lo ding uh hi.

Late 7:6

Tho in, Topa, a hehsa-in thasaan inla, ka galte’ hehna panin kei hong dal in. Khanglo in, ka Pasian aw, thukhenna ding hun khat na seh khinzo hi.

1 SAMUEL MASA 14:6

Tua ciangin Jonathan in ama galhiam a pua tangvalpa kiangah, “Hong pai in; dawibia mi hih khuacingte kiangah va pai ni. Topa in eite a dingin hong hihsak kha ding hi. Bang hang hiam cih leh hotkhiat nadingin a tam a tawm in Topa nawngkaisak lo ding hi,” a ci hi.

2 KHANG TANGTHU NIHNATE 20:13

Tua laitakin Topa’ mai-ah Judah mi khempeuh a taneute, a zite, le a naupangte uh tawh a ding uh hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

1 KUMPI MASATE 1:20

Ka to kumpipa aw, tu-in nangma nungah ka to kumpipa’ tokhom tungah kua tu ding, ci-a amaute kiangah na gen ding ngakin Israel-te khempeuh in nang hong en uh hi.

Late 94:2

Tho in, leitung thukhen pa aw, a kiphasak mite tungah amau’ ngah ding a kilawm gimna pia ta in.