2 KHANG TANGTHU NIHNATE 2:6 - Tedim Bible

⁶ Ahih hangin vantung, a sang pen vantung nangawn in amah huam zo lo ahih manin ama a dingin kua in biakinn lamzo ding ahi hiam? Ama mai-ah paknamtui halna ding cih simloh ama a dingin biakinn a lamsak dingin kei kua ka hi hiam?

Tedim Bible Revision 2017

⁶ Ahih hangin vantung, a sang pen vantung nangawn in amah huam zo lo ahih manin ama adingin kua in biakinn lam zo ding ahi hiam? Ama mai ah paknamtui hal nading cih sim loh ama adingin biakinn a lamsak dingin kei kua ka hi hiam?

2 KHANG TANGTHU NIHNATE 2:6 Referans Kwoze

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

2 KHANG TANGTHU NIHNATE 6:18

“Ahih hangin Pasian pen mite tawh leitungah hong teng takpi ding ahi hiam? En in, vantung le a sangpen vantung in nang hong huam zo lo hi; hih keima lamsa biakinn in hong huam zo lo zaw kan ding!

1 KUMPI MASATE 8:27

“Ahih hangin leitungah Pasian teng taktak ding ahi hiam? Vantung le vantung a sangpen in nang hong huam zo lo hi. Tua ahih manin keima lamsa hih biakinn in bangzahin nang hong huam zo lo zaw kan ding ahi hiam?

2 KHANG TANGTHU NIHNATE 1:10

Hih mite ka uk theih nadingin tu-in pilna le theihna hong pia in; bang hang hiam cih leh hih zahin a tam hih na mite kua in ukzo ding ahi hiam?” a ci hi.

1 KHANG TANGTHU MASATE 29:14

“Ahih hangin kote in hih bangin utna tawh kong piak nadingun kei kua hi a, ka mite bang ahi hiam? Bang hang hiam cih leh na khempeuh nang kiang pan hong pai hi a, nangma a’ mah nang tungah a hong pia ka hi uh hi.

2 SAMUEL NIHNA 7:18

Tua ciangin kumpi David sungtumin Topa’ mai-ah tu a, “Topa Pasian aw, tu ciang dong hih bangin kei nong kep nadingin kei kua hi a, ka innkuan bang ahi hiam?

Paikhiatna 3:11

Ahih hangin Moses in Pasian kiangah, “Faro’ kiangah pai-in Egypt panin Israel mite a paikhiatpih dingin kei, kua ka hi hiam?” ci hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

2 KORIN NIHNA 2:16

Tua a nam pen, thu um lo mite a dingin mi a sisakthei a nam khauh mahmah hi a, hotkhiatna a ngah mite a dingin mi a hingsakthei a namtui mahmah ahi hi. Hih nasep a sem dingin kua kilawm ahi hiam?

Thu-hilhkikna 12:26

Ahih hangin na bat uh a siangtho nate le na thuciamna uh na piaknate uh note in la-in Topa in a teelna munah na paipih ding uh a,

Thu-hilhkikna 12:14

Na minamte uh sung panin Topa in a teelna mun khatah na meihal biaknate uh pia-in, note kong thupiakte khempeuh tua lai munah na hih ding uh hi.

Thu-hilhkikna 12:11

Topa na Pasian un ama min om nading munin a teelna munah note kong sawl khempeuh na paipih ding uh hi. Na meihal biaknate uh le na biakpiaknate uh, note in na piak uh sawm-ah-khat le na piak thuahte uh le Topa’ tungah na ciam uh na thuciam piaknate uh na paipih ding uh hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam, Topa in kong ci hi. Leitung, vantung, mun khempeuhah ka om lamtak thei lo na hi uh hiam, Topa in kong ci hi.

1 KUMPI MASATE 7:13

Tua ciangin Kumpi Solomon in mi sawlin Taia khua-a om Huram samsak hi.

1 KUMPI MASATE 7:14

Amah pen Naftali minam meigongnu’ tapa hi a, ama pa pen Taia khuami sumngo seek na a sempa ahi hi. Amah in sumngo tawh na khat peuhpeuh hih nadingin pilna, theihna, siamna a nei ahi hi. Kumpi Solomon kiangah amah hong pai-in ama na khempeuh a sem hi.

1 KHANG TANGTHU MASATE 22:15

Nangmah in na a sem ding mi tampi na nei hi; suangseekte, leilesuang innlam siamte, khutsiamte, le simzawh lohin siamna nam khempeuh a nei,