2 KHANG TANGTHU NIHNATE 2:16 - Tedim Bible

¹⁶ Tua ciangin na kisap sing peuhmah Lebanon panin kong phuk ding uh a, nangmah in Jerusalem-ah na puaktoh theih nadingin phongin tuipi tungah Joppa dong nang kiangah kong paipih ding uh hi,” zong ci lai hi.

Tedim Bible Revision 2017

¹⁶ Tua ciangin na kisap sing peuhmah Lebanon panin kong phuk ding uh a, nangmah in Jerusalem ah na puak toh theih nadingin phongin tuipi tungah Joppa dong nang kiangah kong paipih ding uh hi,” zong ci lai hi.

2 KHANG TANGTHU NIHNATE 2:16 Referans Kwoze

Joshua 19:46

le Joppa galkhat a om Mejarkon le Rakkon a gamte tawh a huam hi.

Sawltak 10:32

Simon Peter a kici mipa a sam dingin Joppa khua-ah mi sawl in. Amah pen savunnim nasepin nei-in tuipi gei-ah a teng Simon’ inn-ah zin tungin a om hi,’ hong ci hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

Johan 1:3

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi.

Ezra 3:7

Tua hi a, amaute in suangseekte le khutsiamte tungah sum pia uh a, Persia kumpi Sairas’ tung panin a thu ngahna bangun Lebanon mualtung gam panin tuipi gei Joppa khua-ah taamtak singte a hong puaksuk ding Sidon khuamite le Taia khuamite tungah zong annek tuidawn le sathau a pia uh hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua-ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 9:42

Joppa khuasung khempeuhah hih thu kitheikim a, mi tampi in Topa a um uh hi.

Sawltak 9:43

Joppa khua-ah ni tampi sung Peter tamlai a, savunnim nasepin a nei Simon a kici mipa tawh a omkhawm hi.

Jonah 1:3

Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.

Joshua 9:27

Ahih hangin Joshua in mihonte le Topa’ biakna tau-a dingin singtomte le tuitawite a suaksak hi. Topa in amah biak nadingin a teelna munah tuni dongin tua nasepte mah amaute in sem uh hi.

1 KHANG TANGTHU MASATE 22:2

Israel gam sunga om gamdang mite a kikaihkhop nadingun David in thu a pia hi. Tua ciangin amah in Pasian’ biakinn lam nadingin suangseeksate a bawl dingin suangseekte a koih hi.

2 KHANG TANGTHU NIHNATE 8:7

Israel ahi lo Hit mite, Amor mite, Perez mite, Hiv mite, le Jebus mite sung panin a omlai,

2 KHANG TANGTHU NIHNATE 8:8

Israel mite in a suksiat nai loh amau nungah a suanlekhakte uh tua gam sungah a omlaite, Solomon in aana tawh siah a pia dingin bawl a, tua bangin tuni dongin amaute om uh hi.

2 KHANG TANGTHU NIHNATE 30:25

Judah mi a kikhawm khempeuh, le siampite le Levi mite, le Israel panin a hong paikhia a kikhawm khempeuh, le Israel gam panin a hong paikhia peemtate, le Judah gam sungah a teng peemtate, lungdam uh hi.