2 KHANG TANGTHU NIHNATE 19:8 - Tedim Bible

⁸ Tua tham loin, Topa a dingin thukhenna a pia ding le thuneite a khensak dingin Levi mite le siampite le Israel mi beh lutangte pawlkhat, Jehoshafat in Jerusalem-ah a seh hi. Amaute in Jerusalem-ah a phual ding uh nei uh hi.

Tedim Bible Revision 2017

⁸ Tua tham loin, Topa adingin thukhenna a pia ding le thuneite a khensak dingin Levi mite le siampite le Israel mi beh lutangte pawl khat, Jehoshafat in Jerusalem ah a seh hi. Amaute in Jerusalem ah a phual ding uh nei uh hi.

2 KHANG TANGTHU NIHNATE 19:8 Referans Kwoze

1 KHANG TANGTHU MASATE 26:29

Izhar mite sung panin Khenaniah le a tapate pen Israel a dingin uliante le thukhente-in a pualam nasepna-ah kiseh hi.

1 KHANG TANGTHU MASATE 23:4

David in, “Hihte sung panin tul sawmnih le tulli in Topa’ biakinn sungah nasep uk ding a, tulguk pen maangte le thukhente hi ding a,

Thu-hilhkikna 25:1

“Mite kikalah thu kineihna om a, thukhen zumah amaute pai-in, thukhente in amau’ thu khensakin, a dikpa khahin a mawh pa lelsak a,

Thu-hilhkikna 21:5

Topa na Pasian un Levi mi siampite ama na a sem ding le Topa’ min tawh thupha a pia dingin teelkhia ahih manin amaute hong pai ding uh a, kithuneihna le kitotna peuhmah amau’ thu tawh kivengsak ding hi.

2 KHANG TANGTHU NIHNATE 19:9

Tua ciangin amah in amaute thuhilh a, “Topa zahtakna, cihtakna, le na lungsim khempeuh uh tawh hih bangin na hih ding uh hi:

2 KHANG TANGTHU NIHNATE 19:11

En un, Topa’ thu tawh kisai thute khempeuhah siampi lian Amariah note tungah om hi. Tua ciangin kumpipa tawh kisai khempeuhah Judah mite a ukpa Ishmael’ tapa Zebadiah om hi. Tua ciangin Levi mite in note tungah ulian na hong sem ding uh hi. Hang takin gamta un; thuman mite tawh Topa hong om ta hen!” a ci hi.

Late 122:5

David’ innkuante’ kumpi tokhom, thukhenna ding kumpi tokhomte, tua lai-ah kikoih hi.

Ezekiel 44:24

Thunei khat peuhpeuh a om ciangin, keima ngeina omsa tawh kizui-in thu khen ding uh hi. A kiseh pawite a ngeina omsa bangin bawl ding uh a, Sabbath-te siangthosak ding uh hi.