2 KHANG TANGTHU NIHNATE 19:7 - Tedim Bible

⁷ Tu-in note in Topa zahtak unla, na hihnate uhah kingaihsun un. Bang hang hiam cih leh Topa i Pasian in thuman heikhiatna, mi deidanna, le sumgolh laknate deih lo hi,” a ci hi.

Tedim Bible Revision 2017

⁷ Tu-in note in Topa zahtak unla, na hihnate uh ah kingaihsun un. Bang hang hiam cih leh Topa i Pasian in thuman hei khiatna, mi deidanna le sumgolh laknate deih lo hi,” a ci hi.

2 KHANG TANGTHU NIHNATE 19:7 Referans Kwoze

Thu-hilhkikna 32:4

“Eite’ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Piancilna 18:25

Thuman mite, migilote tawh a kibat nadingin migilote tawh thuman mite thahkhawm ding, hi thei ding ahi hiam? Tua pen hi thei lo ding hi. Leitung khempeuh Thukhen pa a manin gamta lo ding ahi hiam?” a ci hi.

ROM (Romans) 2:11

Bang hang hiam cih leh Pasian in kuamah deidan loin mi khempeuh tungah a kibangin thu a khen hi.

ROM (Romans) 9:14

Tua bang ahihleh Pasian thutang lo hi, a kici thei ding hiam? Kici thei lo ding hi.

Kolose 3:25

A man loin a gamtate in ahihleh a gamtatna bangun thuak ding uh hi. Pasian in kuamah deidan loin amau’ gamtatna bang ciatin thu a khen ahi hi.

Sawltak 10:34

Tua ciangin Peter a kam ka-in thu hilh ding kipan a, “Pasian in kuamah angvan’ tuam nei loin,

JOB (Job) 34:19

Pasian pen mi khempeuh a hong piangsak pa hi a, amah in uliante panpih tuan nei lo a, mizawngte sangin mihaute thupi ngaihsutzaw tuan lo hi.

Paikhiatna 23:8

Sumgolh na la kei ding uh hi. Bang hang hiam cih leh sumgolh in uliante’ mit tawsak a, thuman mite’ thu heikhiatsak hi.

Efesa 6:9

Tote aw, silate in note hong bawl mah bangin note in zong amaute limbawl unla, tawn’ gawpgawpnate zang nawn kei un. Note le na silate uh vantung panin To khat khutnuai-ah a om na hihna uh le tua Topa in kuamah maitang zahtak tuam nei loin a kibangin mi khempeuh thu a khen ahihna thu na phawk ta un.

Galati 2:6

Jerusalem khua-a om makai lian a kinei mite in kei’ nasepna tawh kisai thu-ah bangmah genthuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Mattiu 22:16

Amau’ nungzuite le Herod mi pawlkhat, Jesuh kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtaktuam nei lo na hih manin midangte’ pau ding bangmah phamawhsa loin Pasian in mite’ gamtat ding a deihna bangin tangtakin thu na hilh tawntung hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Isaiah 33:15

Thumanin gamta-in thutang na gen uhleh na suakta ding uh hi. Na vangliatna uh mizawngte khemna-in zang kei unla, sumgolh deih kei un. Mi thah ding le siatna gamtat ding a vaihawmte tawh kipawl kei un.

Nehemiah 5:15

Keima hun ma-in a ukte in mite tungah van gikpi suan uh a, amaute’ tung panin nisimin an le leenggahzu ngun shekel sawmli man a la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

1 PETER MASA 1:17

Mi khempeuh amau gamtatna tawh kizui-in a kibang kimin thu a khen Pasian kiangah thu na nget uh ciangin, “Pa aw,” ci na hih manun hih leitungah na om laiteng uh amah zahtakin om un.

Piancilna 42:18

A ni thum ni-in Josef in amaute kiangah, “Keimah in Pasian zahtak ka hih manin hih bangin gamta un. Tua hileh na nungta ding uh hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

JOB (Job) 8:3

Pasian in thutang a zanglo sa na hi hiam? Vanglianpa in thuman a zanglo sa na hi hiam?

1 SAMUEL MASA 11:7

Amah in bawng leengkai kap khat la a, tuate go-in semnen a, kamtaite sawlin Israel gam khempeuhah khak a, “Saul le Samuel nung zui-in a kuankhia lo peuhmah a bawngtalte’ tungah hih bangin kihih ding hi,” ci-in a gen hi. Tua ciangin mite tungah Topa kihtakna hong tung a, mihing khat bangin amaute hong kuankhia uh hi.

JOB (Job) 13:10

A simthamin angvanna na zat uhleh amah in note hong taii taktak ding hi.

Late 82:2

“Note in bang tanvei a man loin thu khenin, migilote tungah angvanna zang ding na hi uh hiam?