2 KHANG TANGTHU NIHNATE 19:4 - Tedim Bible

⁴ Jerusalem-ah Jehoshafat teng hi. Tua ciangin Beersheba panin Efraim mualtung gam ciang dong mite lakah zin kawikawi a, amau’ pute pate’ Pasian, Topa kiangah amaute tunpihkik hi.

Tedim Bible Revision 2017

⁴ Jerusalem ah Jehoshafat teeng hi. Tua ciangin Beer-sheba panin Efraim mual tung gam ciang dong mite lakah zin kawikawi a, amauʼ pute pateʼ Pasian, Topa kiangah amaute tunpihkik hi.

2 KHANG TANGTHU NIHNATE 19:4 Referans Kwoze

Luka 1:17

Amah pen kamsang Elijah mah bangin thahatna le vangliatna tawh Pasian mai-ah hong mapai ding hi. Pate le tate kilemsakkikin, mihoihte’ lungsim bang a neih nadingun thumang lo mite’ lungsim heisak ding a, Topa a dingin a kilawm dingin mite a bawlkhol ding hi,” a ci hi.

Malakhi 4:6

Amah in pate le tate lemtuahin a kilemsakkik ding hi. Tua bang hikeileh keimah hong pai-in na gam khempeuh uh ka susiagawp ding hi,” ci hi, a ci hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Beersheba dong hong kuankhia uh a, Topa’ kiang Mizpah-ah mihing khat bangin mihon hong kikhawm lian uh hi.

Thukhente 19:1

Israel-te sungah kumpi a om loh hun laitakin, Levi mite khat Efraim mualtung gam mongah peemin, Judah gam Bethlehem panin zineu khat a la hi.

Joshua 17:15

Tua ciangin Joshua in amaute kiangah, “Note mi tampi pha a, Efraim mualtung gam pen note a dingin neulua ahih ciangin Perez le Refaim gam tulakah pai unla, nomau a dingin gam sattawm un,” a ci hi.

Piancilna 21:33

Abraham in Beersheba-ah makeng kung khat suan a, tua lai munah Tawntung Pasian, Topa a bia hi.

Piancilna 21:14

Tua ahih ciangin zingsangin Abraham tho baihin an le tuithawl la-in Hagar pia a, ama liangko tungah naupang tawh suanin a sawlkhia hi. Amah paikhia a, Beersheba gam sungah a vak kawikawi hi.

Mattiu 25:16

Tul nga a ngah pa in sum bawlna-in zangpah a, a meet tulnga mah a ngahthuah hi.