2 KHANG TANGTHU NIHNATE 19:11 - Tedim Bible

¹¹ En un, Topa’ thu tawh kisai thute khempeuhah siampi lian Amariah note tungah om hi. Tua ciangin kumpipa tawh kisai khempeuhah Judah mite a ukpa Ishmael’ tapa Zebadiah om hi. Tua ciangin Levi mite in note tungah ulian na hong sem ding uh hi. Hang takin gamta un; thuman mite tawh Topa hong om ta hen!” a ci hi.

Tedim Bible Revision 2017

¹¹ En un, Topaʼ thu tawh kisai thute khempeuh ah siampi lian Amariah note tungah om hi. Tua ciangin kumpipa tawh kisai khempeuh ah Judah mite a ukpa Ishmaelʼ tapa Zebadiah om hi. Tua ciangin Levi mite in note tungah ulian na hong sem ding uh hi. Hang takin gamta un; thuman mite tawh Topa hong om tahen!” a ci hi.

2 KHANG TANGTHU NIHNATE 19:11 Referans Kwoze

2 KHANG TANGTHU NIHNATE 19:8

Tua tham loin, Topa a dingin thukhenna a pia ding le thuneite a khensak dingin Levi mite le siampite le Israel mi beh lutangte pawlkhat, Jehoshafat in Jerusalem-ah a seh hi. Amaute in Jerusalem-ah a phual ding uh nei uh hi.

2 TIMOTI NIHNA 2:1

Ka ta aw, nang na hih leh Khrih Jesuh tawh i kipawl manin i ngah hehpihna hangin thahatin om in.

1 KORIN MASA 16:13

Kiging tawntungin na upna uhah kip unla, thahatin hang un.

Sawltak 11:24

Barnabas pen mihoih mahmah, upna nei-in, Kha Siangtho tawh a kidim mi khat ahi hi. Mi tampi in Pasian a um uh hi.

Luka 23:50

Tua laitakin Josef a kici mi khat om a, Judea gam sunga om Arimathea khuami ahi hi. Amah pen mihoih, a zahtakhuai mi khat hi a, Pasian’ Uk ding hun lamenin a ngakngak mi khat ahi hi. Amah pen ulian thuvaihawm sunga kihel hi a, ahi zongin a lawmte’ vaihawmna leh a nasepnate uh thukimpih lo hi.

Malakhi 2:7

Siampite’ nasep pen Pasian a manin theih nading a hilh ding uh ahi hi. Amaute pen, Vanglian Topa’ kamtaite ahih manun, mite in keima deihna a theih nadingun amaute’ tungah thu a dot ding uh ahi hi.

Thuhilh-sia 2:26

Pasian in amah a lungdamsakte tungah pilna, theihna, le lungdamna pia a, ahi zongin a hehpihhuai mimawhte ahihleh a sep bek sisakin, amau’ thalawhsa khempeuh amah a lungdamsakte tungah a piaksak hi. Hih pen a mawknapi taktak, huihpi nungdelh bang bek ahi hi.

Paunak 2:20

Tua ahih manin mihoihte’ gamtat bangin na gamta ding a, thuman mite’ gamtatna na zui ding hi.

Late 112:5

Cingh gamtatin mite tungah leitawi pia a, thutangin a gamta mite tungah thu a hoih hi.

Late 37:23

Topa in mi a lam pai nading lak a, ama lungkim bangin a gamta pa amah in a kipsak hi.

2 KHANG TANGTHU NIHNATE 19:6

thukhente tungah, “Note in mi a’ ding hi loin Topa a dingin a khen na hih manun na hih dingte uh limtakin ngaihsun un; thukhenna na piak laitakun note kiangah amah hong om hi.

2 KHANG TANGTHU NIHNATE 15:2

Tua ciangin Asa a dawntuah dingin amah pai-in ama kiangah, “Asa, le Judah mite le Benjamin mite aw, ka thu ngai un. Note amah tawh na om laiteng uh note tawh Topa hong om hi. Amah na zon uhleh amah na mu ding uh a, ahih hangin amah na nusiat uhleh amah in note hong nusia ding hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topa’ biakinn sung nasepna khempeuh a kizawh matengin amah in nang hong tamasak lo ding a, hong nusia lo ding hi.

1 KHANG TANGTHU MASATE 26:30

Hebron mite sung panin Hashabiah le a sanggamte, siamna a nei mihing tulkhat le zasagih in Jordan nitumna lam Israel tungah Topa’ nasepna khempeuh le kumpipa’ nasepna-ah uk uh hi.

1 KHANG TANGTHU MASATE 22:19

Tu-in Topa na Pasian uh a zong dingin na ngaihsutna uh le na lungsim uh kipsak un. Topa’ min dingin a kilam biakinn sungah Topa’ Thuciamna Singkuang le Pasian’ umlebeel siangthote a kipaipih theih nadingin kithawi unla Topa Pasian’ biakinn lam un,” a ci hi.

1 KHANG TANGTHU MASATE 22:16

kham, ngun, sumngo, le sik sep a siamte na nei ding hi. Kithawi inla sem in! Topa in nang hong ompih ta hen!” a ci hi.

1 KHANG TANGTHU MASATE 22:11

Tu-in ka ta aw, amah in nangma thu a gensa bangin Topa na Pasian’ biakinn na lamna-ah na tangtun theih nadingin Topa in nang hong ompih tahen.

1 KHANG TANGTHU MASATE 6:11

Azariah’ tapa Amariah, a tapa Ahitub,

Joshua 1:9

Thu hong pia khin hi lo ka hi hiam? Thahat inla hang in. Lau kei inla lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Joshua 1:6

Thahat inla, hang in; bang hang hiam cih leh amaute piak dingin a pu a pate uh tungah ka ciam leitang hih mite na luahsak ding hi.

1 KHANG TANGTHU MASATE 26:32

Kumpi David in Jerijah le a sanggamte, siamna a nei mihing tulnih le zasagih, a beh sungah lutang ahite pen Pasian tawh a kisai na khempeuh le kumpipa’ vaite-ah, Reuben mite, Gad mite, le Manasseh minam alangte tungah a uk dingin a seh hi.

2 KHANG TANGTHU NIHNATE 15:7

Ahih hangin nang, hang in! Na nasepna thaman hong kipia ding ahih manin na khut zawsak kei in,” a ci hi.

Ezra 7:5

a pa Abishua, a pa Finehas, a pa Eleazar, a pa siampi lianpen pa Aaron:

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.